انتيكور بۇرىنعى جەدەل پوليتسيا قىزمەتكەرى ا. اكىمبايەۆ نەگە قاماۋدا وتىرعانىن ءتۇسىندىردى
الەۋمەتتىك جەلىلەردە تەرگەۋ ىستەرى سىبايلاس جەمقورلىققا قارسى قىزمەتكە جاتپايتىن ەلەۋسىز قىلمىستىق قۇقىق بۇزۋشىلىقتار جاسادى دەگەن كۇدىكتى ا. اكىمبايەۆتى ۇزاق ۋاقىت قاماۋدا ۇستاۋ تۋرالى مالىمەتتەر تاراعان.
وسىعان بايلانىستى، سىبايلاس جەمقورلىققا قارسى قىزمەت مەملەكەتتىك ورگانداردىڭ لاۋازىمدى تۇلعالارىنا قاتىستى ءبىرقاتار اۋىر جەمقورلىق قىلمىستار جاساۋ فاكتىلەرى بويىنشا سوتقا دەيىنگى تەرگەپ-تەكسەرۋدى اياقتاعانىن حابارلادى.
«لاۋازىمدى تۇلعالاردى ۇستاۋ كەزىندە كۇدىكتىلەردىڭ بىرىمەن تۋىستىق قارىم-قاتىناستا بولعان ا. اكىمبايەۆ (تەرىس سەبەپتەرمەن جۇمىستان شىعارىلعان بۇرىنعى جەدەل پوليتسيا قىزمەتكەرى) تەرگەۋ ارەكەتتەرىن جۇرگىزۋگە كەدەرگى كەلتىرىپ، سىبايلاس جەمقورلىق قىلمىستار جاساۋدا ايىپتالۋشىلاردى ايىپتايتىن زاتتاي دالەلدەمەلەردى جاسىردى.
وسى زاڭسىز ارەكەتتەردىڭ ناتيجەسىندە ونىڭ تۋىسى، اۋىر جەمقورلىق قىلمىسىنا كۇدىكتى جاسىرىنىپ ۇلگەردى. كەيىننەن، قىسقا ۋاقىتتان كەيىن ۇستالىپ، قازىرگى ۋاقىتتا تاعىلعان ايىپتاردى مويىندادى.
جينالعان دالەلدەمەلەردى ەسكەرە وتىرىپ، ا. اكىمبايەۆتىڭ ارەكەتتەرى جەمقورلىق، اۋىر قىلمىستى الدىن الا ۋادە ەتىلمەگەن جاسىرۋ، سوتقا دەيىنگى تەرگەپ-تەكسەرۋ جۇرگىزۋگە كەدەرگى جاساۋ جانە بيلىك وكىلدەرىنە قاتىستى زورلىق-زومبىلىق قولدانۋ رەتىندە سارالانادى» دەلىنگەن حابارلامادا.
مالىمەتكە ساي، ا. اكىمبايەۆتىڭ ءىس-ارەكەتتەرىنىڭ بىلىكتىلىگىن قاداعالاۋشى پروكۋرور بەكىتتى، ول تەرگەۋ سوتىنىڭ سانكسياسىمەن قاماۋعا الىندى، سەبەبى ونىڭ ءىس-ارەكەتتەرى سىبايلاس جەمقورلىق قىلمىستىق ءىسىنىڭ باسقا دا قاتىسۋشىلارىنىڭ ءىس-ارەكەتتەرىمەن تىعىز بايلانىستى.
پروكۋراتۋرا قىلمىستىق-پروتسەسستىك كودەكسىنە سايكەس تەرگەۋدى سىبايلاس جەمقورلىققا قارسى قىزمەتكە بەكىتتى.
قىلمىستىق-پرتسەسستىك كودەكسىنىڭ 201-بابىنا سايكەس وزگە دە اقپارات جاريا ەتۋگە جاتپايدى.
