قازاقستاننىڭ ت م د- داعى ءتوراعالىعىنا جوعارى باعا بەرىلدى
بۇل تۋرالى ت م د اتقارۋشى كوميتەتىنىڭ ءتوراعاسى سەرگەي لەبەديەۆ ايتتى، دەپ حابارلايدى قازاقپارات ءتىلشىسى.
«ت م د ۇكىمەت باسشىلارى كەڭەسىنىڭ وتىرىسى تابىستى ءوتتى. وسى ورايدا بيىل قازاقستان رەسپۋبليكاسىنىڭ تاۋەلسىز مەملەكەتتەر دوستاستىعىنداعى ءتوراعالىعى جەمىستى بولعانىن اتاپ وتكەن ءجون. قازاق دوستارىمىزدىڭ توراعالىعىمەن قوناقجاي قازاقستان جەرىندە جانە وسى ەلدەن تىس اۋماقتاردا دا كوپتەگەن ايتۋلى ءىس-شارالار ءوتتى»، - دەدى س. لەبەديەۆ استانادا وتكەن ت م د ۇكىمەت باسشىلارى كەڭەسىنىڭ وتىرىسىنان كەيىنگى بريفينگىدە.
بۇل تۇرعىدا ول قازاقستان ۇنەمى ت م د اياسىنداعى كوپجاقتى ىنتىماقتاستىقتىڭ باستاماشىسى جانە لوكوموتيۆى بولعانىن باسا ايتتى.
«قازاقستاننىڭ ءتوراعالىعى اياسىندا كوپتەگەن باستاما كوتەرىلىپ، ولار ءساتتى جۇزەگە استى»، - دەدى س. لەبەديەۆ.
قازاقستان تاۋەلسىز مەملەكەتتەر دوستاستىعىنداعى ءتوراعالىعىن رەسمي تۇردە قىرعىزستانعا تاپسىردى.
بۇدان بۇرىن حابارلانعانداي، ەلوردادا ت م د ۇكىمەت باسشىلارى كەڭەسىنىڭ وتىرىسى ءوتتى.
بۇل رەتتە وتىرىس قورىتىندىسى بويىنشا بىرنەشە قۇجاتقا قول قويىلدى.
