ت م د ۇكىمەت باسشىلارى كەڭەسىنىڭ وتىرىسىندا بىرنەشە قۇجاتقا قول قويىلدى
وتىرىس بارىسىندا قوعامدىق دەنساۋلىق ساقتاۋ سالاسىندا سانيتارلىق- ەپيدەميولوگيالىق سيپاتتاعى توتەنشە جاعدايلاردىڭ الدىن الۋ جانە دەن قويۋ جونىندەگى ىنتىماقتاستىق تۋرالى كەلىسىمگە قول قويىلدى.
سونىمەن قاتار، ت م د ۇكىمەت باسشىلارى كەڭەسىنىڭ كەزەكتى وتىرىسىن وتكىزۋ تۋرالى، ت م د- عا مۇشە مەملەكەتتەردىڭ عىلىمي- تەحنيكالىق ءارى تەحنولوگيالىق ىنتىماقتاستىعى تۇجىرىمداماسى جانە ونى ىسكە اسىرۋ جونىندەگى ءىس- شارالار جوسپارى تۋرالى، ت م د ەلدەرىنىڭ حيميالىق كەشەن سالالارىن تسيفرلىق تۇرلەندىرۋ تۇجىرىمداماسى جانە ونى ىسكە اسىرۋ جونىندەگى ءبىرىنشى كەزەكتەگى ءىس- شارالار جوسپارى تۋرالى قۇجاتتار بەكىتىلدى.
بۇدان بولەك، 2030 -جىلعا دەيىنگى كەزەڭگە ارنالعان ت م د- عا مۇشە مەملەكەتتەردىڭ يننوۆاتسيالىق ىنتىماقتاستىعى جونىندەگى مەملەكەتارالىق باعدارلاماسىنا زاڭدى جانە جەكە تۇلعالاردىڭ اككرەديتتەۋ ءتارتىبى، سونداي- اق گۋمانيتارلىق ىنتىماقتاستىق سالاسىنداعى 2023-2024 -جىلدارعا ارنالعان باسىم ءىس- شارالار جوسپارى ماقۇلداندى.
مۇنىمەن قوسا، ت م د ورگاندارى مەن جەكەلەگەن ءىس- شارالاردى قارجىلاندىرۋعا قاتىستى قارجىلىق- بيۋدجەتتىك ماسەلەلەر قارالىپ، ءتيىستى شەشىمدەر قابىلداندى.
بۇدان بۇرىن حابارلانعانداي، ت م د ەلدەرىنىڭ ويىندارى 2023 -جىلى بەلارۋس رەسپۋبليكاسىندا ۇيىمداستىرىلماق.
ت م د ۇكىمەت باسشىلارى كەڭەسىنىڭ كەلەسى وتىرىسى سوچيدە وتەدى.
