قاجىمۇقان مۇڭايتپاس ۇلىنىڭ قارتايعان شاعىنداعى ۆيدەوسى پايدا بولدى

وندا كۇش اتاسىنىڭ ءبىراز جاسقا كەلىپ قالعانى بايقالادى دەپ حابارلادى turkystan.kz exk.kz سايتىنا سىلتەمە جاساپ.

قاجىمۇقان مۇڭايتپاس ۇلىنىڭ بەينەجازباسى الەۋمەتتىك جەلىدە تارادى. ۆيدەودا كۇش اتاسىنىڭ ەكى قولىن كوتەرىپ، حالىق قوشەمەتىنە بولەنىپ تۇرعانىن بايقايسىز.

«قاجىمۇقان اتامىزدىڭ قارتايعان شاعى» دەپ جازىلعان بەينەجازبادا.

جەلىدەگى جۇرت بۇل ۆيدەوعا قاتىستى ءتۇرلى پىكىر قالدىرعان. ءبىرى بالۋاننىڭ ەرلىگى مەن ەڭبەگىن ۇلگى ەتىپ، ەسكە الۋعا تىرىسسا، ەندى ءبىرى دەنە پوشىمىنا قاتىستى ويلارىن جازعان.

قاجىمۇقان مۇڭايتپاس ۇلى 1871 -جىلى 7-ساۋىردە اقمولا ۋەزىندەگى قاراوتكەل اۋىلىندا دۇنيەگە كەلگەن. ءبىراق كەي دەرەكتەردە ونىڭ 1883 -جىلى تۋىلعانى ايتىلادى.

قازاق حالقىنىڭ تاريحىنداعى تۇڭعىش كاسىپقوي بالۋان تۇتاس عۇمىرىن كۇرەس ونەرىنە ارناعان. كۇش اتاسى وسى سپورتتىڭ بىرنەشە تۇرىنەن الەم چەمپيونى اتاندى.

54 مەملەكەتتە سايىسقا ءتۇسىپ، 48 مەدال ولجالاعان قاجىمۇقانداي مىقتى ⅩⅩ عاسىردىڭ باسىندا تۇركى حالىقتارىنىڭ ىشىندە قازاقتا عانا بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى