بۇرىن اۆتوكولىك باسقارۋ قۇقىنان ايىرىلعان ماس جۇرگىزۋشىلەر ۇستالدى
ايماقتاعى پوليتسيا دەپارتامەنتىنىڭ مالىمەتىنشە، ب ەكىتىلگەن جول ۋچاسكەلەرىن پاترۋلدەۋ كەزىندە ماس كۇيىندە كولىك باسقارعان 6 جۇرگىزۋشى انىقتالعان. مۇنىڭ 2-ەۋى ماس كۇيىندە كولىككە قايتا وتىرعان.
«مىسالى، 24-قازاندا ساعات 12:00 شاماسىندا قاراتاۋ قالاسىنداعى شاعىن اۋدانداردىڭ ءبىرىنىڭ اۋماعىندا پاترۋلدىك پوليتسيا قىزمەتكەرلەرى 36 جاستاعى جەرگىلىكتى تۇرعىننىڭ باسقارۋىنداعى «تويوتا- كامري 25» اۆتوماشيناسىن توقتاتتى. قۇجاتتاردى تەكسەرۋ بارىسىندا جۇرگىزۋشىدەن الكوگولدىڭ ءيىسى شىققان.
ەر ادامنىڭ ماس كۇيىندە كولىك جۇرگىزگەنىن مەديتسينالىق كۋالاندىرۋ دا كورسەتتى.
تەكسەرۋ كەزىندە جۇرگىزۋشىنىڭ 2021 -جىلدىڭ جەلتوقسانىندا سوت شەشىمىمەن كولىك قۇرالىن باسقارۋ قۇقىعىنان 7 جىلعا ايىرىلعانى انىقتالدى»، - دەپ جازدى ۆەدومستۆودان.
وسىعان ۇقساس قىلمىس 25-قازاندا جۋالى اۋدانىندا دا تىركەلدى. «مەرسەدەس» كولىگىنىڭ 39 جاستاعى جۇرگىزۋشىسى مەديتسينالىق قورىتىندىعا سايكەس جەڭىل ماس كۇيىندە كولىك جۇرگىزگەن.
اتالعان دەرەكتەر بويىنشا پوليتسيا قىزمەتكەرلەرى قىلمىستىق كودەكستىڭ 346-بابى 2-بولىگى بويىنشا سوتقا دەيىنگى تەرگەپ- تەكسەرۋدى باستادى. اۆتوكولىكتەر ايىپ تۇراعىنا قويىلدى.
بۇل قىلمىستى جاساعانى ءۇشىن بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، ءتورت جىلدان التى جىلعا دەيىنگى مەرزىمگە باس بوستاندىعىنان ايىرۋ تۇرىندەگى جاۋاپكەرشىلىك كوزدەلگەن.
جامبىل وبلىسىنىڭ پوليتسيا دەپارتامەنتى ازاماتتاردى جول قوزعالىسى ەرەجەلەرىن مۇلتىكسىز ساقتاۋعا، ماس كۇيىندە كولىك جۇرگىزبەۋگە، جىلدامدىقتى اسىرماۋعا جانە كەلە جاتقان جولاققا شىقپاۋعا شاقىرادى.
