شىمكەنتتە كاسىپكەرلەردى بوپسالاۋمەن اينالىسقان قىلمىستىق توپ ۇستالدى
شىمكەنت قالاسى پوليتسيا دەپارتامەنتىنە جەكە كاسىپكەر بەيتانىس ەكى ازاماتتىڭ بوپسالاعانى تۋرالى ارىزبەن جۇگىندى. ونى كۇشپەن قورقىتقان ەر ادامدار جابىرلەنۋشىگە تيەسىلى Toyota Camry 70 اۆتوكولىگىن تارتىپ العان. اتالعان جايت ق ر قىلمىستىق كودەكسىنىڭ 194-بابى (قورقىتىپ الۋ) بويىنشا تىركەلىپ، قىلمىستىق ءىس قوزعالدى. اسا اۋىر قىلمىستى اشۋ ماقساتىندا شىمكەنت قالالىق ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى بارلىق قاجەتتى جەدەل- ىزدەستىرۋ شارالارىن جۇرگىزدى. ناتيجەسىندە بىرنەشە كۇننىڭ ىشىندە تەرگەۋشىلەر بوپسالاۋ جايتىنا قاتىسى بار كۇدىكتىلەردىڭ كىم ەكەنىن انىقتادى.
«ەكەۋى دە جەرگىلىكتى قالا تۇرعىندارى، بىرەۋى بۇرىن بىرنەشە رەت سوتتالعان. ۇقق قىزمەتكەرلەرى كۇدىكتىلەردىڭ ءبىرىن تۇرعىلىقتى مەكەنجايىندا قولعا ءتۇسىردى. ال سىبايلاسى قالاداعى قوناقۇيلەردىڭ بىرىندە ۇستالدى. ولاردان ەكى اڭشىلىق پىشاق، 160 وعى بار پنيەۆماتيكالىق تاپانشا، 21 وعىمەن ا ك-47 اۆتوماتى جانە ماكاروۆ تاپانشاسىنىڭ قابى تاركىلەندى»، - دەلىنگەن حابارلامادا.
قازىرگى تاڭدا كۇدىكتىلەر قاماۋدا. ولارعا قاتىستى سوتقا دەيىنگى تەرگەپ- تەكسەرۋ امالدارى جۇرگىزىلۋدە. سونداي- اق پوليتسيا ۇستالعانداردىڭ قازان ايىنىڭ باسىندا تاعى ءبىر ازاماتتىڭ Iphone 13 Pro Max ۇيالى تەلوفونىن الىپ قويىپ، قايتارماي قويعانىن انىقتادى. بۇل تۋرالى ارىز ەڭبەكشى ا پ ب- دا تىركەلگەن. جەدەل ۋاكىلدەر قىلمىستىق توپتىڭ وسىعان ۇقساس باسقا دا قىلمىستارعا قاتىسى بار- جوقتىعىن تەكسەرۋدە.
فوتو: polisia.kz
