راقىمشىلىق تۋرالى قۇجاتتا قانداي ەرەكشەلىكتەر قامتىلعان
«بۇل زاڭ جوباسىنىڭ ءوز ەرەكشەلىكتەرى دە بار. بۇرىن بولعان راقىمشىلىق كەزىندە ايىپتالۋشى مىندەتتى تۇردە كەلتىرىلگەن شىعىندى وتەۋى ءتيىس ەدى. بۇل جولى كەلتىرىلگەن زالال وتەلگەن سوڭ عانا راقىمشىلىق جاسالادى دەگەن تالاپ قويىلمايدى. الايدا مۇلىك يەسى ماتەريالدىق شىعىندى سوت ارقىلى ازاماتتىق- قۇقىقتىق تارتىپتە ءوندىرىپ الۋعا قۇقىلى»، - دەدى سەناتور ءلاززات سۇلەيمەن.
سونىمەن قاتار ول قۇجاتتا قامتىلعان تاعى ءبىر ەرەكشەلىككە توقتالدى.
«بۇعان دەيىنگى قالىپتاسقان تاجىريبە بويىنشا باس بوستاندىعىنان ايىرۋ مەكەمەسىندە جازاسىن وتەپ جاتقان ادامعا راقىمشىلىق جاساۋ ءۇشىن مىندەتتى تۇردە ونىڭ ءجۇرىس- تۇرىسى، ءتارتىبى ەسكەرىلەتىن. جازانى وتەۋ ءتارتىبىن قاساقانا بۇزۋشى سوتتالعان ادامدارعا راقىمشىلىق قولدانىلمايتىن.
ۇسىنىپ وتىرعان زاڭ جوباسىندا ونداي تالاپتار جوق. بۇدان باسقا، الداعى ۋاقىتتا قاڭتار وقيعاسىنداعى قىلمىستار اشىلاتىن بولسا جانە وسى زاڭ جوباسىندا كوزدەلگەن باپتارعا سايكەس سوتتىلىق بولعان جاعدايدا ول بويىنشا راقىمشىلىق جاسالادى»، - دەدى دەپۋتات.
اۆتور
رۋسلان عابباسوۆ
