مايا بەكبايەۆا مۇحتار اۋەزوۆ تۋرالى فيلمى ءۇشىن تۇركسوي مەدالىمەن ماراپاتتالدى
بۇل تۋرالى جۋرناليست ءوزىنىڭ Facebook پاراقشاسىندا جازدى.
«بۇگىن تۇركسوي (TURKSOY) باس حاتشىسى سۇلتان رايەۆ ماعان مۇحتار اۋەزوۆ تۋرالى «جيۆايا ميشەن» دەرەكتى فيلمىندەگى جۇمىسىم ءۇشىن ۇيىمنىڭ التىن مەدالىن تابىس ەتتى. TURKSOY بۇل فيلمدى تۇركى الەمى ەلدەرىندە، سونىڭ ىشىندە تۇركيالىق TRT Avaz ەفيرىندە كورسەتۋدى جوسپارلاپ وتىر. TURKSOY - تۇركى الەمىنىڭ يۋنەسكو- سى دەپ اتالاتىن حالىقارالىق ۇيىم. ونىڭ باستى ماقساتى - تۇركى حالىقتارىنىڭ رۋحاني جاقىنداسۋى مەن باۋىرلاستىق بىرلىگىن نىعايتۋعا جاردەمدەسۋ. جوعارى باعا بەرگەنىڭىز ءۇشىن راحمەت! كوپ راحمەت!» - دەپ جازدى مايا بەكبايەۆا.
ايتا كەتەيىك، 28 -قىركۇيەكتە Jibek Joly ارناسىنان مۇحتار اۋەزوۆتىڭ 125 جىلدىعىنا ارنالعان فيلم كورسەتىلگەن ەدى. مايا بەكبايەۆا فيلمنىڭ سەناريىن جازۋ بارىسىندا مۇراعات قۇجاتتارىمەن جۇمىس ىستەگەنىن ايتادى. ءتۇسىرىلىم ەكى قالادا ءوتىپ، ەكى اپتاعا سوزىلعان.
«ناشا يستوريا» - كورنەكتى قازاقستاندىق قايراتكەرلەردىڭ ءومىرى تۋرالى باياندايتىن تاريحي جوبا. جىل سوڭىنا دەيىن احمەت بايتۇرسىنوۆ، روزا باعلانوۆا، مانشۇك مامەتوۆا سياقتى قوعام جانە مەملەكەت قايراتكەرلەرىنىڭ ءومىرى باياندالادى، ولاردىڭ مەرەيتويلارى 2022 -جانە 2023 -جىلدارعا كەلەدى.
