الەمدەگى ءبيداي باعاسىنىڭ قىمباتتاۋ سەبەپتەرى ايتىلدى
«ازىق-تۇلىكتىڭ الەمدىك باعاسى ارزانداۋدا. فاو يندەكسى بيىلعى قىركۇيەكتە %1,1 عا تومەندەدى. وعان سەبەپ بولعان وسىمدىك مايلارى باعاسىنىڭ تومەندەۋى. ءبىراق استىق باعاسى قىمباتتاۋدا. ءبيداي باعاسىنىڭ كوتەرىلۋى ۋكراينانىڭ قارا تەڭىز پورتتارىنان استىقتى جىبەرۋ مۇمكىندىگىنە جانە ارگەنتينا مەن ا ق ش- تاعى اۋا رايى جاعدايىنا قاتىستى قاۋىپ-قاتەرگە بايلانىستى.
الەمدەگى ينفلياتسيا ءالى دە جوعارى دەڭگەيدە. باعانىڭ ەكى ءماندى ءوسۋ قارقىنى دامۋشى ەكونوميكالاردا عانا ەمەس، ءبىرقاتار دامىعان ەكونوميكالاردا دا بايقالادى. وسىنداي جاعدايلاردا رەزەرۆتىك ۆاليۋتالاردى ەميسسيالايتىن جەتەكشى ورتالىق بانكتەر مونەتارلىق تالاپتاردى قاتاڭداتۋدى جالعاستىرۋدا. ءبىز ءۇشىن بۇل تەڭگەنىڭ ايىرباستاۋ باعامىنا قىسىمنىڭ كۇشەيۋ تاۋەكەلىنىڭ ءوسۋىن بىلدىرەدى. بازالىق مولشەرلەمەنى ارتتىرۋ ارقىلى تەڭگەدەگى اكتيۆتەردىڭ تارتىمدىلىعىن قامتاماسىز ەتۋ شارالارى تالاپ ەتىلەدى»، - دەدى عالىمجان ءپىرماتوۆ.
سونداي-اق ول مۇناي باعاسىن تومەندەتۋى مۇمكىن فاكتورلارعا توقتالدى.
«الەمدىك مۇناي نارىعىندا باعاعا اسەر ەتەتىن ءتۇرلى باعىتتاعى فاكتورلاردىڭ بولۋى بايقالادى. باعانىڭ تومەندەۋىنە سۇرانىس بويىنشا بولجامداردىڭ ناشارلاۋى، ا ق ش- تاعى قورلاردىڭ ءوسۋى اسەر ەتۋدە. رەسەي جانە تاياۋ شىعىستىڭ كەيبىر ەلدەرىنەن تاۋار جەتكىزۋدەگى پروبلەمالار، سونداي-اق وپەك+ ەلدەرىندەگى مۇناي ءوندىرۋدىڭ جالپى كۆوتاسىنىڭ تومەندەۋى باعانىڭ ءوسۋىن قولدايدى. ا ق ش- تىڭ ەنەرگەتيكالىق اقپارات باسقارماسىنىڭ بولجامى بويىنشا، اعىمداعى جىلعى 4-توقساندا Brent باعاسى باررەلىنە ورتاشا ەسەپپەن 93 ا ق ش دوللارىن جانە 2023-جىلى باررەلىنە 95 ا ق ش دوللارىن قۇرايدى»، - دەدى ۇلتتىق بانك باسشىسى.
