ينتەرنەتتە جەكە دەرەكتى قانداي باعدارلامالار ۇرلايدى؟

الەۋمەتتىك جەلى ماماندارى پلاتفورماداعى اككاۋنتتاردان لوگين مەن پارولدى ۇرلايتىن 400 گە جۋىق موبيلدى قوسىمشانى انىقتادى.

زياندى قولدانبالار رەسمي Google Play Store جانە App Store دۇكەندەرىندە ورنالاستىرىلعان. مىڭداعان ادامدار مۇنداي قولدانبالاردى جۇكتەپ الۋى مۇمكىن.

«قولدانۋشى زياندى باعدارلامانى ورناتقان كەزدە ول Facebook جەلىسىنە كىرۋدى سۇرايدى، سودان كەيىن جەكە اقپاراتتى ۇرلايدى»، - دەپ ءتۇسىندىردى ماماندار.

كومپانيا ساراپشىلارىنىڭ ايتۋىنشا، الەۋمەتتىك جەلىلەر ارقىلى كىرۋدى تالاپ ەتەتىن قوسىمشالار ەڭ قاۋىپتىسى سانالادى.

«فەيسبۋك قولدانۋشىسىنىڭ لوگينى مەن قۇپيا ءسوزىن تالاپ ەتەتىن فوتوسۋرەتتەردى وڭدەۋگە ارنالعان قوسىمشالار سياقتى باعدارلامالاردان ساق بولىڭىز»، - دەيدى ماماندار.

تەرىس پىكىرلەر مەن بازارلارداعى تومەن باعالار قولدانبانىڭ قاۋىپتى ەكەنىن دە كورسەتۋى مۇمكىن. تاعى ءبىر بەلگى - بۇل قولدانبا ۋادە ەتكەن فۋنكسيالار مەن اۆتوريزاتسيادان كەيىنگى ناقتى فۋنكسيالار اراسىنداعى سايكەسسىزدىك.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى