نيۋ-يورك مەرى قازاقستاندىقتىڭ ۆيدەوسىن ءبولىستى
ۆيدەوداعى ونەرپاز - الماتىداعى فيزيكا-ماتەماتيكا باعىتىنداعى زياتكەرلىك مەكتەپ تۇلەگى ءجۇسىپحان امانمىرزا. دومبىرا شەرتكەن قازاقستاندىقتىڭ ۆيدەوسى نيۋ-يورك مەرىنىڭ رەسمي ينستا-پاراقشاسىنا جۇكتەلدى.
NIS باسپا ءسوز قىزمەتىنىڭ مالىمەتىنشە، بۇل ءىس-شارا قازاقستان رەسپۋبليكاسىنىڭ نيۋ-يورك (ا ق ش) قالاسىنداعى باس كونسۋلدىعىنىڭ باستاماسىمەن ەلىمىزدىڭ رەسپۋبليكا كۇنىنە وراي ۇيىمداستىرىلعان.
دومبىرادا ويناعان امانمىرزا نيۋ-يورك تۇرعىندارىن تامساندىرعان زياتكەر وسى جىلى مەكتەپتى اياقتاپ، ا ق ش- تىڭ Purdue ۋنيۆەرسيتەتىنە بيزنەس-اناليتيكا جانە اقپاراتتى باسقارۋ ماماندىعىنا وقۋعا تۇسكەن.
«ەلىمىز ءۇشىن ماڭىزدى مەرەكە - رەسپۋبليكا كۇنىندە، وزگە مەملەكەتتە كۇي تارتىپ، دومبىرا شەرتۋ مەنى ەرەكشە پاتريوتتىق سەزىمگە بولەدى. بۇل مەن ءۇشىن ۇلكەن مارتەبە»، - دەيدى ءجۇسىپحان امانمىرزا.
