قازاقستاندا جۇرگىزۋشى كۋالىگىن الۋ تالابى وزگەرۋى مۇمكىن
«ەلىمىزدە جىل سايىن 13 مىڭنان استام جول-كولىك وقيعاسى بولادى. سالدارىنان 2 مىڭنان استام ادام قازا تاۋىپ، 18 مىڭنان استام ادام جاراقات الادى. جول-كولىك جاراقاتى 5 پەن 14 جاستاعى بالالار مەن جاس وسپىرىمدەر اراسىنداعى ءولىم-ءجىتىمنىڭ نەگىزگى سەبەبى. جول اپاتى كورسەتكىشىنىڭ جىل سايىن ءوسۋى الاڭداتادى. بيىل ەلىمىزدە جول-كولىك وقيعاسى %9 عا ارتقان جانە جول اپاتىنىڭ %21 ادام ولىمىمەن اياقتالىپ وتىر. سونداي-اق، جول-كولىك وقيعاسىنىڭ %95 جۇرگىزۋشىلەردىڭ كىناسىنەن ورىن الادى. جۇرگىزۋشىلەردىڭ جىلدامدىق رەجيمىن ساقتاماۋىمەن، مانيەۆر جاساۋ، قارسى قوزعالىس جولاعىنا شىعۋ ەرەجەلەرىن بۇزۋىمەن بايلانىستى. جىل باسىنان بەرى پوليتسيا 4,5 ميلليوننان استام جول ءجۇرۋ ەرەجەسىن بۇزۋ وقيعاسىنىڭ جولىن كەستى. بۇل اۆتوكولىكتى باسقاراتىنداردىڭ قۇزىرەتتىلىگىنىڭ تومەندىگىن كورسەتەدى»، - دەدى گۇلدارا نۇرىموۆا ق ر پرەمەر-ءمينيستردىڭ ءبىرىنشى ورىنباسارى رومان سكليارعا دەپۋتاتتىق ساۋال جولداي وتىرىپ.
وسىعان وراي حالىق قالاۋلىسى ەلىمىزدە جۇرگىزۋشى كۋالىگىن بەرۋ تالابىن كۇشەيتۋدى ۇسىنىپ وتىر.
«2018-جىلدان باستاپ جۇرگىزۋشىلەردى دايارلاۋ ورتالىعىن اشۋ ءۇشىن ليتسەنزيا مەن رۇقسات تالاپ ەتىلمەيدى. قازىر ەلىمىزدە 747 جۇرگىزۋشى دايارلايتىن ورتالىق بار. ماتەريالدىق-تەحنيكالىق بازاسى جوق مەكتەپتەر سانى ءوستى. تەوريالىق جانە پراكتيكالىق ەمتيحاندى وتكىزۋ فۋنكسياسى 2019-جىلى ىشكى ىستەر مينيسترلىگىنەن «ازاماتتارعا ارنالعان ۇكىمەت» مەملەكەتتىك كورپوراتسياسىنا بەرىلدى. ناتيجەسىندە مامانداندىرىلعان حالىققا قىزمەت كورسەتۋ ورتالىقتارى جانىنداعى اۆتوماتتاندىرىلعان اۆتودرومداردىڭ قولجەتىمدىلىگى تومەندەدى. ەلىمىز بويىنشا نەبارى 17 اۆتودروم بار جانە ولار وبلىس ورتالىقتارىندا عانا ورنالاسقان. ياعني اۋىل، اۋدان تۇرعىندارى وبلىس ورتالىعىنا بارۋى كەرەك»، - دەيدى ول.
جوعارى ايتىلعان جاعدايدى ەسكەرە وتىرىپ، كەلەسى شەشىمدى قابىلداۋ ۇسىنىلادى:
1. جۇرگىزۋشى كۋالىگىن العاش الاتىندار ءۇشىن ونلاين جانە وزدىگىنەن دايىندالۋ مۇمكىندىگىن الىپ تاستاۋ. ەمتيحان تاپسىرۋ پروتسەسىنە قويىلاتىن تالاپتاردى كۇشەيتۋ.
2. اۋدان ورتالىقتارىندا ەمتيحان تاپسىرۋعا مۇمكىندىك بەرۋدى ەسكەرە وتىرىپ، مامانداندىرىلعان حالىققا قىزمەت كورسەتۋ ورتالىقتارىنداعى ەمتيحان قابىلداۋ ءتارتىبىن قايتا قاراۋ.
3. جۇرگىزۋشىلەردى دايارلاۋدىڭ مەملەكەتتىك ستاندارتتارى مەن ەرەجەلەرىنە ريەۆيزيا جۇرگىزۋ.
4. ءوزىن-ءوزى رەتتەيتىن ۇيىمدار مەن كاسىپتىك بىرلەستىكتەردى، سونداي-اق «اتامەكەن» ۇلتتىق كاسىپكەرلەر پالاتاسىن تارتا وتىرىپ، اۆتومەكتەپتەردىڭ باقىلاۋى مەن جاۋاپكەرشىلىگىن كوزدەۋ.
