الماتى وبلىسىندا جوعالعان اعايىندى ءۇش بالا تاۋلى ايماقتان تابىلدى

ولار ۇيىنەن 12 شاقىرىم جەردە ورنالاسقان وزگە اۋىلدىق وكرۋگ اۋماعىنان تابىلدى.

«25- قازاندا ساعات 23:45 تە تالعار اۋدانى پ ب كەزەكشى ءبولىمىنىڭ پۋلتىنە جەرگىلىكتى تۇرعىننان كامەلەتكە تولماعان بالالاردى ىزدەستىرۋگە جاردەم كورسەتۋ تۋرالى حابارلاما ءتۇستى. اناسى سول كۇنى تاڭەرتەڭ، شامامەن ساعات 10:30 دا التى جاسار ۇلى، اعايىندارى - 11 جاستاعى ۇل جانە 13 جاستاعى قىزبەن ۇيدەن شىعىپ كەتىپ، قايتا ورالماعانىن جەتكىزدى.

كامەلەتكە تولماعانداردى ىزدەستىرۋگە ءوڭىردىڭ جەكە قۇرامى دەرەۋ باعىتتالدى جانە پوليتسيانىڭ بارلىق كەشەندى كۇشتەرى مەن ناريادتارىنا باعدارلار جىبەرىلدى. الماتى وبلىسى پوليتسيا دەپارتامەنتى باستىعىنىڭ جەكە باقىلاۋىندا بولعان ىزدەۋ ءىس-شارالارىنا ەرىكتىلەر دە قوسىلدى.

كامەلەتكە تولماعاندار تاۋلىك ىشىندە بەساعاش اۋىلىنان 12 شاقىرىم جەردەن تابىلدى. بەسقاينار اۋىلدىق وكرۋگىنىڭ تاۋلى جەرىندەگى «تاباعان» باعىتىندا جەرگىلىكتى تۇرعىن تاپتى. قازىرگى ۋاقىتتا كامەلەتكە تولماعان بالالار ۇيلەرىنە امان-ەسەن ورالدى»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى