قازاق حالقى ءتىس شۇقۋىشتى نەدەن جاساعان؟
ءبىر قاراعاندا جاي قۇرال بولعانىمەن، حالقىمىز مۇنداي گيگيەنالىق قۇرالدى جاساۋعا اسا ءمان بەرگەن. ءتىس شۇقۋىش ەڭ الدىمەن يەككە زيانىن تيگىزبەۋى ءتيىس ءارى يەكتى قاناتسا، قاناعان جەرگە ميكروب ءتۇسىپ كەتپەۋى كەرەك.
سوندىقتان حالقىمىز ءتىس شۇقۋىشتى ميكروبتاردى جويعىش قاسيەتتەرى بار ارشادان، كۇمىستەن جانە قويدىڭ جاق سۇيەگىنىڭ جىڭىشكە كەلگەن شىبىعىنان جاساعان. مۇسىلمان ەلدەرى ءتىس شۇقۋىش رەتىندە ماسۋاك اعاشىن قولدانادى. ونىڭ دا ميكروبتى جوياتىن قاسيەتى بار.
ال اۋقاتتى قازاقتار ءتىس شۇقۋىشتى ءتىپتى زەرگەرلەرگە ارنايى تاپسىرىس بەرىپ كۇمىستەن كوركەمدەپ جاساتقان. بۇنداي كۇمىستەن جاسالعان ءتىس شۇقۋىش قۇرالى، قۇلاق شۇقۋىشپەن قاتار جۇرەدى.
قازاق ءتىس شۇقۋىش رەتىندە ارشانى دا پايدانعان. ارشا حالقىمىز ءۇيدى، جاتار ورىندى جانە بەسىكتى الاستاۋ ءۇشىن پايدالانعانىن ءبارىمىز بىلەمىز. مۇنىڭ سىرى تەگىن ەمەس. ارشانىڭ ميكروب پەن باسقا دا پاتوگەندى زيانكەستەردى دەزينفەكسيالايتىن قاسيەتى بارى قازىر دالەلدەنىپ جاتىر. سوندىقتان كەيدە قىلقان جاپىراقتى اعاشتان بەسىك شاۋىپ جاساۋدىڭ دا سىرى وسىندا بولسا كەرەك.
