قارجى ءمينيسترى بيۋدجەت تاپشىلىعى مەن سىرتقى قارىزعا قاتىستى تۇسىنىك بەردى
«جالپى بيۋدجەت تاپشىلىعى ارتىپ وتىرعان جوق. كەرىسىنشە، جىل سايىن جالپى ىشكى ونىمگە شاققاندا بۇل كورسەتكىشتى ازايتىپ وتىرمىز. بيىل 3,3 پايىز بولسا، كەلەسى جىلى 2,7 پايىزعا دەيىن تۇسەمىز. ودان كەيىنگى جىلدارى 2,5 پايىزعا دەيىن ازايادى. اتاپ ايتقاندا، ءبىزدىڭ ەكونوميكامىز ءوسىپ كەلدى. سونىمەن قاتار قارجىلاندىراتىن باعىتتار كوپ ەكەنىن ەسكەرسەك، بيۋدجەت تاپشىلىعى بولادى. بيۋدجەت تاپشىلىعى بولماس ءۇشىن كەرەك قاراجاتتى ۇلتتىق قوردان تولىعىمەن جابۋ قاجەت. الايدا ءبىز ۇلتتىق قورعا تۇسەتىن قاراجاتتى ساقتاپ، ونىڭ سوماسىن ارتتىرۋ باعىتىندا بيۋدجەت تاپشىلىعىنا بارىپ وتىرمىز»، - دەدى ە. جاماۋبايەۆ پارلامەنت ماجىلىسىندە تىلشىلەر ساۋالىنا جاۋاپ بەرە وتىرىپ.
ونىڭ ايتۋىنشا، الەمدەگى اۋقىممەن سالىستىرعاندا قازاقستانداعى بيۋدجەت تاپشىلىعى ەلەۋلى سومانى قۇرامايدى.
«دۇنيەجۇزىنىڭ اۋقىمىمەن قاراعاندا، بىزدەگى بيۋدجەت تاپشىلىعى (جالپى ىشكى ونىمگە قاتىستى 3,3 پايىز) سونشالىقتى كوپ ەمەس. مۇنىمەن قوسا، ءبىزدىڭ سىرتقى قارىز 24 پايىزدان (جالپى ىشكى ونىمگە شاققاندا) اسپايدى. ا ق ش-تىڭ، ەۋروپا ەلدەرىنىڭ سىرتقى قارىزدارى 100 پايىزدان اسىپ كەتەدى»، - دەدى قارجى ءمينيسترى.
بۇدان بۇرىن حابارلانعانداي، حالىقارالىق قايتا قۇرۋ جانە دامۋ بانكىنىڭ قارىزى قازاقستان رەسپۋبليكاسىنا 345 ملن ەۋرو سوماسىندا 2,5 جىلدىق جەڭىلدىكتى كەزەڭدى قوسا العاندا، 11,5 جىل وتەۋ مەرزىمىمەن بەرىلەدى.
2025 -جىلعا قاراي ەلىيمىزدە بيۋدجەت تاپشىلىعى 2,5 پايىزعا دەيىن تومەندەيدى.
