الماتىدا رەسپۋبليكا كۇنىنە وراي مەملەكەتتىك تۋدى كوتەرۋ ءراسىمى ءوتتى
«مەدەۋ» بيىك تاۋلى كەشەنىنىڭ الاڭىندا رەسپۋبليكا كۇنىنە ورايلاستىرىلعان «پاتريوتيزم داۋىسى» اكسياسى اياسىندا مەملەكەتتىك تۋدى كوتەرۋ جانە ءانۇران ورىنداۋدىڭ سالتاناتتى ءراسىمى ءوتتى.
ءىس-شاراعا الماتى اكىمى ەربولات دوسايەۆ، قوعام قايراتكەرلەرى، ءماسليحات دەپۋتاتتارى، ستۋدەنتتەر مەن اسكەري قىزمەتشىلەر قاتىستى.
قالا تۇرعىندارى مەملەكەتتىك ءانۇراندى قالانىڭ بارلىق سەگىز اۋدانىندا ورىندادى. مەرەكەلىك ءىس-شارالار جوعارى وقۋ ورىندارى، كوللەدجدەر مەن اسكەري وقۋ ورىندارى ستۋدەنتتەرىنىڭ قاتىسۋىمەن «قىران ەلىم - قازاقستان» فلەشموبىنا ۇلاستى.
ساعات 17:00 دە «استانا» الاڭىندا قازاقستاندىق ەسترادا جۇلدىزدارىنىڭ قاتىسۋىمەن كونسەرت وتەدى. كونسەرتتەن كەيىن كەشكى ساعات 21:30 دا مەرەكەلىك ساليۋت بولادى.
