ا ق ش مەملەكەتتىك حاتشىسى قازاقستاندىقتاردى رەسپۋبليكا كۇنىمەن قۇتتىقتادى
قازاقستاندىقتاردى رەسپۋبليكا كۇنىمەن قۇتتىقتاعان ا ق ش مەملەكەتتىك حاتشىسى ەنتوني بلينكەن وسىلاي ايتتى، دەپ حابارلايدى قازاقپارات.
«امەريكا قۇراما شتاتتارىنىڭ اتىنان قازاقستان حالقىن جاقىندا جاريالانعان 25- قازان - رەسپۋبليكا كۇنىمەن شىن جۇرەكتەن قۇتتىقتايمىن. ا ق ش قازاقستاننىڭ ەگەمەندىگى، تاۋەلسىزدىگى جانە اۋماقتىق تۇتاستىعىنا بەيىلدىلىگىن قۋاتتايدى جانە الداعى جىلدارى قارىم-قاتىناسىمىز ودان ءارى نىعايا تۇسەتىنىنە ءۇمىتتىمىز.
رەسپۋبليكا كۇنى قازاقستاننىڭ تاۋەلسىزدىگىن جاريالاۋعا ارنالعان. تاۋەلسىزدىك العاننان بەرى قازاقستان يادرولىق قارۋدى تاراتپاۋ، قارۋسىزدانۋ جانە حالىقارالىق بەيبىتشىلىك پەن قاۋىپسىزدىك جولىنداعى كۇش-جىگەردى ىلگەرىلەتەتىن جاھاندىق ديالوگتىڭ كوشباسشىسى بولىپ تابىلادى. ا ق ش قازاقستاننىڭ رەفورمالىق كۇن ءتارتىبىن تولىقتاي قولدايدى جانە ولاردىڭ ناقتى، ايقىن ارەكەتتەر ارقىلى تۇتاستاي جۇزەگە اسىرىلۋىن ماقۇلدايمىز. قازاقستان ورتالىق ازيا جۇرەگىندە ەكونوميكا جانە كوممەرتسيادا باعالى سەرىكتەس بولىپ تابىلادى جانە ءبىز ونىڭ وڭىردەگى ورتاق ماقساتتارعا جەتۋدەگى بەلسەندى ءرولىن باعالايمىز.
ا ق ش قازاقستاننىڭ تاۋەلسىزدىگىن مويىنداعان العاشقى ەلدەردىڭ ءبىرى بولدى جانە ءبىز قازاقستان حالقىمەن 31 جىلدىق بەرىك دوستىعىمىزدى ماقتان تۇتامىز»، - دەلىنگەن قۇتتىقتاۋدا.
ەنتوني بلينكەن اتاپ وتكەندەي، ا ق ش وڭىردەگى جانە ودان تىس جەرلەردەگى بەيبىتشىلىك، وركەندەۋ جانە تۇراقتىلىق سياقتى ورتاق باسىمدىقتاردى بىرگە العا ىلگەرىلەتۋدى جالعاستىرا بەرەدى.
