ق ر ءى ءى م بالالاردى كامپيتپەن الدايتىن ەر ادامدار تۋرالى اقپاراتقا تۇسىنىك بەردى

وسىعان قاتىستى ق ر ىشكى ىستەر مينيسترلىگى تۇسىنىك بەردى، دەپ حابارلايدى قازاقپارات Stopfake.kz سايتىنا سىلتەمە جاساپ.

بەتپەردە تاققان ەر ادام بالاعا كامپيت ۇسىنىپ، ونى ىشىندە بىرنەشە كىسى وتىرعان قارا كولىككە وتىرۋعا شاقىرعان-مىس. ايەلدىڭ ايتۋىنشا، ۇلى قاسكۇنەمدەردەن قاشىپ ۇلگەرگەن، دەگەنمەن ول پوليتسياعا بارىپ، وقيعانىڭ ءمان-جايىن حابارلاماق.

ق ر ءى ءى م مالىمەتىنشە، بۇل اقپارات تەكسەرىلدى جانە ونىڭ شىنايىلىعى راستالعان جوق.

«پوليتسياعا مۇنداي ارىزدار تۇسكەن جوق. سونداي-اق حابارلامادا ايەل وسىلاي ارەكەت ەتەتىن الدەبىر باندا تۋرالى ايتادى. الايدا ءتارتىپ ساقشىلارىنا پەدوفيلدەر توبى تۋرالى دا حابارلانعان جوق. اۋلالاردى ارالاپ، بالالاردى ۇرلايتىن ەر ادامدار توبى تۋرالى اقپارات تا - ەسكى فەيك»، - دەدى ۆەدومستۆونىڭ باسپا ءسوز قىزمەتىنەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى