ليۆانداعى قازاقستاندىق بىتىمگەرلىك كونتينگەنتىنىڭ كەزەكتى روتاتسياسى جۇرگىزىلدى
التى اي ىشىندە قازاقستاندىق اسكەري قىزمەتشىلەر جاياۋ جانە موبيلدى پاترۋلدەۋدى ورىندادى، ودان باسقا توسقاۋىل بەكەتتەرىنىڭ جۇمىسىن ۇيىمداستىرۋعا، بازالاردى كۇزەتۋگە جانە وپەراتسيالاردى جۇرگىزۋگە قاتىسى جوق جەكە قۇرامنىڭ كۇندەلىكتى جاۋىنگەرلىك دايارلىعىنا قاتىستى.
«بىتىمگەرلىك دايىندىق ورتالىعىندا تياناقتى الىنعان ءبىلىم جاڭا جاعدايعا وڭاي بەيىمدەلۋگە جانە العا قويىلعان مىندەتتەردى لايىقتى شەشۋگە كومەكتەستى. اسكەري قىزمەتشىلەردىڭ مورالدىق-پسيحولوگيالىق جاعدايى دا جوعارى دەڭگەيدە. ولار قىزمەت ورنىندا مىندەتتەردى ورىنداۋعا دايىن»، - دەدى الماتىعا كەلگەن سوڭ توپ كومانديرى، كاپيتان مارات ءابدىرامانوۆ.
ونىڭ ورنىنا سەگىزىنشى بىتىمگەرلىك كونتينگەنت، ياعني «شىعىس» سەكتورىنداعى ءۇندى بىتىمگەرلىك باتالونى قۇرامىندا مىندەتتەردى ورىندايتىن قازاقستاندىق اسكەري قىزمەتشىلەر اتتاندى.
ايتا كەتسەك، قازاقستان كونتينگەنتىن ءۇندىستان رەسپۋبليكاسى قارۋلى كۇشتەرىنىڭ بىتىمگەرلىك كونتينگەنتى قۇرامىندا ب ۇ ۇ- نىڭ ليۆانداعى ميسسياسىنا بىرلەسىپ ورنالاستىرۋ 2018-جىلدىڭ قازان ايىنان باستاپ جۇزەگە اسىرىلىپ جاتىر.
