رەسپۋبليكا كۇنىنە وراي قالامگەرلەر اراسىندا بيلياردتان تۋرنير ءوتتى - فوتو

ELORDA AQPARAT مەديا كومپانياسىنىڭ ۇيىمداستىرۋىمەن، استانا قالاسى اكىمدىگىنڭ قولداۋىمەن وتكەن تاستاياق جارىسىندا ۇلكەن، ورتا جانە كىشى بۋىن قالامگەرلەر قاۋىمىنىڭ وكىلدەرى باق سىنادى.

ءدۇبىرلى دوداعا بيلياردتىڭ كومبينيروۆاننايا پيراميدا جانە ەركىن پيراميدا سياقتى تۇرلەرىنەن الەمنىڭ ەكى دۇركىن چەمپيونى ەرنات شىنبايەۆ تورەلىك ەتتى.

سونداي-اق، ەرنار استانا اكىمىنىڭ ورىنباسارى ەسەت بايكەنمەن ويىن ويناپ، شەبەرلىك ءدارىسىن وتكىزدى.

جازۋشى قوعام قايراتكەرى تولەن ابدىك، ۇلت ۇستازى احمەت بايتۇرسىن ۇلى اتىنداعى ارنايى جۇلدەمەن ماراپاتتالدى.

ال، جازۋشى ءۋاليحان قاليجان شەرحان مۇرتازا اتىنداعى ارنايى جۇلدەمەن ماراپاتتالسا، جازۋشى، عالىم، تاريحشى قويشىعارا سالعارا ۇلى اقسەلەۋ سەيدىمبەك اتىنداعى ارنايى جۇلدەگە يە بولدى.

سونىمەن بىرگە سەناتور نۇرتورە جۇسىپكە «مەرگەن» ارنايى جۇلدەسى بۇيىرسا، اقىن نەسىپبەك ايت ۇلى «ەڭ مادەنيەتتى ويىنشى» جۇلدەسىن قانجىعالادى.

باسەكەنىڭ كوركىن قىزدىرعان ناعىز «مەرگەندەر» اراسىنان جۋرناليست نۇردىلدا وراز ءتۋرنيردىڭ چەمپيونى اتاندى (200 مىڭ تەڭگە اقشالاي سىيلىق).

جۇلدەلى ەكىنشى ورىندى جۋرناليست احمەت قايرات ۇلى يەلەندى (150 مىڭ تەڭگە).

ال، جۇلدەلى ءۇشىنشى ورىن ق ر پارلامەنت ءماجىلىسىنىڭ دەپۋتاتى، جۋرناليست جاناربەك ءاشىمجان مەن جۋرناليست ەربول ەردەنبەككە بۇيىردى (100 مىڭ تەڭگە).

«تۋرنير كوپ جىلدار تاسادا ەلەۋسىز قالىپ، قايتادان جاندانىپ، ءوز ورنىن العان رەسپۋبليكا كۇنىنىڭ قۇرمەتىنە ءوتىپ جاتىر. بۇل كۇنى قازاقستاننىڭ ەگەمەندىگى تۋرالى دەكلاراتسيا قابىلداندى. قازاق تاريحىنداعى ەڭ ماڭىزدى وقيعا، تاۋەلسىزدىكتىڭ باستاۋى دەپ ايتۋعا دا بولادى. مەملەكەت باسشىسى قاسىم-جومارت توقايەۆ ۇلىتاۋدا وتكەن ۇلتتىق قۇرىلتايدا بۇل كۇننىڭ ماڭىزىن ناقتىلاعان ەدى. ءسويتىپ، 25-قازان ەلىمىزدىڭ ەڭ باستى مەرەكەسىنە اينالدى. سونىڭ قۇرمەتىنە جۋرناليستەر اراسىندا العاش رەت وسىنداي تۋرنير وتكىزىپ وتىرمىز. وزدەرىڭىز كورگەندەي، استاناداعى قالامگەرلەر، ۇلكەن جازۋشى اعالارىمىز قاتىسىپ، جارىستىڭ مارتەبەسىن كوتەرىپ جاتىر. بۇيىرسا بۇل شارانى جىل سايىن ءداستۇرلى تۇردە ۇيىمداستىرپ تۇرۋعا نيەتتىمىز»، - دەيدى «استانا اقشامى» گازەتىنىڭ باس رەداكتورى ەركىن قىدىر.

اۆتور

ريزابەك نۇسىپبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى