اقوردا ءۇيى ورتەنىپ كەتكەن قوستانايلىقتاردىڭ جاڭا باسپاناعا كوشكەنى جايلى ۆيدەو جاريالادى

ايتا كەتەيىك، كەشە قوستاناي وبلىسىندا دالا ورتىنەن كەيىن ءۇيسىز قالعان اۋىل تۇرعىندارى جاڭا باسپاناعا كوشكەن بولاتىن.

ەسكە سالايىق، قوستاناي وبلىسىنىڭ اۋليەكول اۋدانىندا ورمان ءورتى 2-قىركۇيەك كۇنى باستالدى. بىرنەشە اۋىلدان 1841 ادام ەۆاكۋاتسيالاندى.

ءتىلسىز جاۋ 86 جاستاعى تۇرعىننىڭ ءومىرىن جالمادى. 10 ادام جاراقات الدى، ونىڭ تورتەۋى اۋرۋحاناعا ءتۇستى.

قوستاناي وبلىسىندا احمەت بايتۇرسىن ۇلىنىڭ 150 جىلدىق مەرەيتويىنا ورايلاستىرىلعان سالتاناتتى شارالار كەيىنگە شەگەرىلدى.

قاسىم-جومارت توقايەۆ وڭىرگە باردى. ءورت بولعان ەلدى مەكەن تۇرعىندارىمەن كەزدەسكەن پرەزيدەنت زارداپ شەگۋشىلەرگە ۇكىمەت ەكى ايدا بۇرىنعىدان دا جاقسى ۇيلەر سالىپ بەرەتىنىن ايتتى. ءورتتى اۋىزدىقتاۋعا جۇزدەگەن تەحنيكا، مىڭداعان اداممەن بىرگە 7 بىردەي تىكۇشاق تارتىلدى.

ق ر توتەنشە جاعدايلار ءمينيسترى يۋري يلين قوستاناي وبلىسىنداعى ءورت ادام قولىنان بولدى دەگەن نۇسقانى جوققا شىعارمايتىنىن ءمالىم ەتتى.

زارداپ شەككەن قوستانايلىقتارعا كومەك بەرۋ ءۇشىن ءبىرىڭعاي قوعامدىق قور قۇرىلدى.

وڭىردەگى جاعداي تۇراقتالعانشا، 3 مىڭنان استام وقۋشى قاشىقتان ءبىلىم الدى.

اۋليەكول اۋدانىنداعى ءورت سالدارىنان امانقاراعاي اۋىلىندا 98 ءۇي ورتەنىپ كەتتى.

وڭىردە توتەنشە جاعداي رەجيمى جاريالاندى. ءۇيى ورتەنىپ كەتكەن قوستانايلىقتاردىڭ بانك نەسيەسى جابىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى