پارتيالىق ەمەس بايقاۋ ورتالىعىنىڭ ءتوراعاسى كانديداتتاردىڭ شتاب باسشىلارىمەن كەزدەستى
بۇل تۋرالى قازاقپارات پارتيالىق ەمەس بايقاۋ ورتالىعىنا سىلتەمە جاساپ حابارلايدى.
كەزدەسۋ بارىسىندا تولەگەن كۇنادىلوۆ پارتيالىق ەمەس بايقاۋ ورتالىعىنىڭ قىزمەتىمەن تانىستىرىپ، الداعى سايلاۋداعى مىندەتتەرى تۋرالى ايتتى. شتاب باسشىسى بايقاۋشىلاردى دايارلاۋ پروتسەسىنە، سونداي- اق ولاردى وقىتۋ جانە ادىستەمەلىك قامتاماسىز ەتۋ ماسەلەلەرىنە توقتالدى.
«سايلاۋ - ماڭىزدى وقيعا جانە ءبىز ازاماتتىق قوعام وكىلدەرى رەتىندە ءادىل داۋىس بەرۋ ءۇشىن ۇلكەن جاۋاپكەرشىلىكتى سەزىنە وتىرىپ، زاڭنىڭ ساقتالۋىن، سايلاۋدىڭ ادالدىعى مەن اشىقتىعىن قاداعالايتىن بولامىز»، - دەپ اتاپ ءوتتى ول.
شتاب وكىلدەرى داۋىس بەرۋ بارىسىندا زاڭدىلىق پەن ادىلەتتىلىكتىڭ ساقتالۋىن باقىلاۋدى قامتاماسىز ەتۋ جونىندەگى ورتالىقتىڭ باستاماسىنا قولداۋ ءبىلدىردى جانە بايقاۋشىلاردى وقىتۋ ماسەلەلەرى بويىنشا ىنتىماقتاستىققا قىزىعۋشىلىق تانىتتى.
