قاراعاندىدا جابىرلەنۋشىنى سوت پروتسەسىنىڭ الدىندا «ساتىپ الماق» بولعان قورعاۋشى ۇستالدى

قاراعاندى وبلىستىق پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنا بەلگىسىز ءبىر قورعاۋشىنىڭ زاڭسىز ارەكەتى تۋرالى اقپارات ءتۇستى. بەلگىلى بولعانداي، زاڭگەر اسا اۋىر قىلمىس بويىنشا جابىرلەنۋشى تاراپتىڭ قورعاۋشىسى بولعان. ال قىلمىس جاساعان ايىپتالۋشى تاراپ قورعاۋشىعا قوماقتى قاراجاتقا جابىرلەنۋشىنىڭ جاۋابىن وزگەرتىپ، سوتتا جالعان جاۋاپ بەرۋىن وتىنگەن. سوندىقتان دا قورعاۋشى ايىپتالۋشى تاراپتىڭ بۇل ۇسىنىسىنا كونىپ، ارادا دەلدالدىق قىزمەت اتقارعان.

«22-قازان كۇنى ۇيىمداسقان قىلمىسقا قارسى كۇرەس باسقارماسى قىزمەتكەرلەرى جۇرگىزگەن جەدەل ءىس- شارالار بارىسىندا 6,5 ميلليون تەڭگە جانە 2900 ا ق ش دوللارى اقشاسىن العاننان كەيىن 36 جاستاعى قورعاۋشى ۇستالدى. پوليتسيا قىزمەتكەرلەرى ونىڭ كولىگىن ءتىنتۋ بارىسىندا تاعىدا 3100 ا ق ش دوللارى تاركىلەنىپ الىندى، - دەپ حابارلادى قاراعاندى وبلىستىق پ د باستىعىنىڭ ورىنباسارى ءابىل ءابىلدين.

اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 422-بابى 4 -تارماعىنا سايكەس قىلمىستىق ءىس قوزعالدى. تەرگەۋ امالدارى جۇرگىزىلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى