رەسپۋبليكا كۇنى: كەنتاۋدا مەكتەپ باسشىلارى مەن ۇستازدار ءانۇراندى شىرقادى

كەنتاۋ قالاسىندا 360 ۇستازدىڭ قاتىسۋىمەن «پاتريوتيزم داۋىسى» تاقىرىبىندا ءىس- شارا ءوتتى. وندا ادىسكەرلەر مەن مەكتەپ باسشىلارى، پەداگوگتەر، بالاباقشا مەڭگەرۋشىلەرى قولدارىن كوكىرەك تۇسىنا قويىپ، ءانۇراندى جاندى داۋىستا ورىندادى.

«ەلىمىزدىڭ جارقىن بولاشاعى ءۇشىن قالىپتاسقان بۇل مەرەكەنىڭ ماڭىزى زور. وسى تۇرعىدا ەلدىڭ ارمەن قاراي دامۋ باعىتىندا ۇستازداردىڭ قوسار ۇلەسى كوپ. جاس ۇرپاقتى ءبىلىمدى ەتىپ تاربيەلەۋدە قاجىرلى ەڭبەك ەتەتىن بولامىز»، - دەگەن قالالىق ادامي الەۋەتتى دامىتۋ ءبولىمىنىڭ ادىسكەرى ايگۇل ماقۇلبەكوۆا حالىقتى مەرەكەمەن قۇتتىقتادى.

پاتريوتتىق شارا «مەنىڭ ارمانىمداعى قازاقستان» فلەشموبىنا ۇلاستى. ءا. بوكەيحانوۆ اتىنداعى №23 جالپى ورتا مەكتەپ وقۋشىلارى بي بيلەدى. ۇستازدار تاراپىنان اتامەكەنگە ارنالعان اندەر شىرقالدى.

رەسپۋبليكا كۇنىنە ارنالعان ءىس- شارالار قالاداعى «كوكتوبە» دەمالىس ايماعىندا جالعاستى. وندا كوللەدج جاستارى كوك تۋدى جەلبىرەتىپ، ءانۇراندى شىرقادى. قالاداعى كاراتە- دو شوتوكان ۇيىرمەسىنىڭ جاس سپورتشىلارى ءوز شەبەرلىكتەرىن كورسەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى