وزبەكستاندا بولعان جارىلىس ءدۇمپۋى ماقتاارال اۋدانىندا ەستىلدى
اۋداندا قۇرىلعان توتەنشە جاعدايلار كوميسسياسى شۇعىل تۇردە جامبىل، بىرلىك، ءيىرجار، ەڭبەكشى اۋىلدىق وكرۋگتەرى مەن اتاكەنت كەنتى بويىنشا زارداپ شەككەن الەۋمەتتىك نىساندار مەن تۇرعىن ۇيلەردىڭ بار-جوعىن انىقتاۋ باعىتىندا جۇمىستار جۇرگىزۋدە.
«بۇگىن، ماقتاارال اۋدانى اكىمى اپپاراتىندا جەدەل شتاب وتىرىسى ءوتتى. وزبەكستان رەسپۋبليكاسى تاراپىنان بەرىلىپ جاتقان اقپارات كوزدەرىندەگى مالىمەتتەرگە سايكەس، قازىرگى تاڭدا ماقتاارال اۋدانىنىڭ تۇرعىندارىنا قاۋىپ جوق»، - دەلىنگەن تۇركىستان وبلىسىنىڭ وڭىرلىك كوممۋنيكاتسيالار قىزمەتى تاراتقان اقپاراتتا.
بۇعان دەيىن حابارلانعانداي، تۇندە وزبەكستاننىڭ سىردارياداعى اسكەري قويماسىندا جارىلىس بولدى. جەلىلەردە تاراعان ۆيدەولار مەن فوتوسۋرەتتەردەن جارىلىس تولقىنى عيماراتتاردىڭ تەرەزەلەرى مەن قۇرىلىستارىن زاقىمداعانىن بايقاۋعا بولادى.
