پرەزيدەنتتىككە كانديدات جيگۋلي دايرابايەۆتى قولدايتىن شتاب جۇمىسىن باستادى

«كانديدات جيگۋلي دايرابايەۆتى قولداۋعا ارنالعان ۇگىت-ناسيحات جۇمىسى ەلىمىزدىڭ بارلىق وڭىرىندە جۇرەدى. اتاپ ايتقاندا، 88 قالا، 30 كەنت جانە 6 مىڭنان استام ەلدى مەكەندى قامتيدى. ۇگىت-ناسيحات جۇمىسىن كانديداتتىڭ ءوزى جانە ونىڭ سەنىمدى وكىلدەرى وتكىزەدى. بارلىق ءىس-شارا ۋاقىتىندا وتكىزىلەدى»، - دەدى كانديدات جيگۋلي دايرابايەۆتى قولداۋ جونىندەگى رەسپۋبليكالىق شتابتىڭ باسشىسى تولەۋتاي راحىمبەكوۆ.

ونىڭ ايتۋىنشا، كانديداتتى قولداۋ جونىندەگى شتاب ەلىمىزدىڭ بارلىق وڭىرىندە جۇمىس ىستەيدى.

«بارلىق قوعامدىق شتاب ۇگىت-ناسيحات جۇمىسىنا قاجەتتى زاتپەن تولىق قامتاماسىز ەتىلگەن. رەسپۋبيلكالىق شتابتىڭ اشىلۋى بارىسىندا قازاقستان رەسپۋبليكاسىنىڭ پرەزيدەنتتىگىنە كانديدات جيگۋلي دايرابايەۆ ءوزىن قولداۋشىلارعا العىس ايتىپ، سايلاۋالدى باعدارلاماسىن تانىستىردى»، - دەيدى ول.

ايتا كەتەيىك، ق ر پرەزيدەنتتىگىنە كانديدات جيگۋلي دايرابايەۆ سايلاۋعا «اۋىل» حالىقتىق-دەموكراتيالىق پاتريوتتىق پارتياسى اتىنان ءتۇسىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى