قاسىم-جومارت توقايەۆتى قولداۋ جونىندەگى شتاب ۇگىت-ناسيحات جۇمىسىن باستادى
«بۇگىن 21- قازان ساعات 18.00 دە ق ر پرەزيدەنتتىگىنە كانديدات قاسىم-جومارت توقايەۆتى قولداۋ جونىندەگى رەسپۋبليكالىق قوعامدىق شتاب ەلىمىزدىڭ بارلىق وڭىرىندە ۇگىت-ناسيحات ناۋقانىن باستادى. رەسپۋبليكالىق قوعامدىق شتابقا 3 پارلامەنتتىك ساياسي پارتيادان جانە 22 رەسپۋبليكالىق قوعامدىق ۇيىمداردان تۇراتىن حالىقتىق كواليتسيانىڭ وكىلدەرى كىردى»، - دەلىنگەن حابارلامادا.
رەسمي اقپاراتتا ايتىلعانداي، حالىقتىق كواليتسيا بەلسەندىلەرى ەلىمىزدىڭ بارلىق وڭىرىندە ۇگىت-ناسيحات ماتەريالدارىن ب ا ق پەن الەۋمەتتىك جەلىلەرگە جاريالاۋدى باستادى.
«ەرتەڭ رەسپۋبليكالىق قوعامدىق شتابتىڭ العاشقى وتىرىسى وتەدى. سونىمەن قاتار، كەلەسى اپتادان باستاپ شتاب مۇشەلەرى سايلاۋشىلارمەن كەزدەسۋ ءۇشىن ايماقتارعا بارادى. سونداي-اق، كانديدات قاسىم-جومارت توقايەۆتى قولداۋ جونىندەگى رەسپۋبليكالىق قوعامدىق شتاب الەۋمەتتىك جەلىلەردە جەكە پاراقشالار اشتى. وندا شتابتىڭ ءىس-شارالارى، سايلاۋشىلارمەن كەزدەسۋلەر تۋرالى بارلىق اقپارات جانە وزگە دە ۇگىت-ناسيحات ماتەريالدارى جاريالانادى»، - دەپ حابارلايدى شتابتان.
