قىزىل، جاسىل، كوك: كولىككە قاي انتيفريزدى قۇيعان ءجون؟

ەندەشە قاي كولىككە قاي انتيفريزدى قۇيامىز، سونى قاراستىرىپ كورەيىك.

انتيفريز - كولىكتىڭ قوزعالتقىشىن سالقىنداتۋعا ارنالعان سۇيىقتىق. بۇرىنعى كولىكتەرگە انتيفريز ەمەس، كادىمگى سۋ قۇيىلاتىن. كەيىنگى كولىكتەرگە توسول دەيتىن سۇيىقتىق قۇيىرىلىپ ءجۇردى. قازىر مۇنىڭ ورنىنا انتيفريز قۇيىلادى. زاماناۋي ءونىم بولىپ سانالادى.

انتيفريزدى نەمىستىڭ VAG كونسەرنى ويلاپ تاپقان. سۋىتقىش سۇيىقتىڭ ءۇش جۇيەسىن جاساپ شىقتى: G11، G12 جانە G13.

13- مودەل قازىر كوپ قولدانىلمايدى. كوبىنە G11، G12 تۇرلەرىن ساتىپ الادى. G11 ءدىڭ ءتۇسى - جاسىل نە كوك، G12 ءتىڭ ءتۇسى - قىزىل. وندىرۋشىلەر ەكى انتيفريزدى ايىرىپ كورسەتۋ ءۇشىن ءبىرىن جاسىل، ەندى ءبىرىن قىزىل تۇسپەن بوياپ شىعاراتىن بولعان. ساتىپ الۋشىلارعا وڭاي بولۋى ءۇشىن وسىلاي ىستەگەن.

ەكى انتيفريزدىڭ جۇمسالىمى ءارتۇرلى، ياعني ءارتۇرلى موتورعا قۇيىلادى.

G11

جاسىل انتيفريز كوبىنە ەسكى كولىكتەرگە ارنالعان. قوزعالتقىشتىڭ سۋىتۋ جۇيەسى مىس پەن لاتۋننان جاسالعان بۇل كولىكتەرگە «جاسىلدى» قۇيعان الدەقايدا دۇرىسىراق. جاسىل انتيفريزگە بولشەكتەردىڭ سىرتقى بولىگىن كورروزيادان ساقتاۋعا كومەكتەسەتىن قوسپا قوسىلادى.

ايتا كەتەرلىگى، جاسىل انتيفريزدى ءجيى اۋىستىرىپ تۇرۋ كەرەك. شامامەن، جىلىنا 1-2 رەت اۋىستىرىپ تۇرعان ءجون.

G12

قىزىل انتيفريز جاڭا كولىكتەرگە ارنالعان. قازىرگى كولىكتەردىڭ سۋىتۋ دەتالدارى بولات پەن اليۋمينيدەن جاسالادى. تەمىردى شىرىتەتىن - كادىمگى سۋ. سوندىقتان بۇل انتيفريزدەرگە سۋدىڭ قىشقىلدانۋىن بولدىرمايتىن كاربوكسيلات قوسپالارى قوسىلادى.

ەكەۋىنىڭ ايىرماسى وسىدا.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى