ديماش قۇدايبەرگەننىڭ مالايزياداعى كونسەرتى نە ءۇشىن كەيىنگە شەگەرىلگەنى بەلگىلى بولدى

بۇل تۋرالى مالايزيانىڭ Aco Media كومپانياسى جاريالادى.

«مالايزيا سايلاۋ كوميسسياسىنىڭ سايلاۋ كۇنى 19- قاراشاعا سوزىلاتىنى تۋرالى حابارلاماسىنان كەيىن ACO MEDIA باسشىلىعى جوسپارلانعان 19- قاراشادا Axiata-دا وتەتىن ديماش قۇدايبەرگەننىڭ كونسەرتىن كەيىنگە شەگەرگەنىن حابارلايدى»، - دەلىنگەن حابارلامادا.

ايتا كەتەيىك، 19- قاراشادا مالايزيادا پارلامەنتتىك سايلاۋ وتەدى.

جەلى قولدانۋشىلار مۇنداي وزگەرىستەرگە نارازىلىعىن ءبىلدىرىپ، پىكىر جازعان.

«قالجىڭ با؟ مەن اقشامدى الدىن الا جيناپ، بيلەت الىپ، قوناق ۇيگە جۇمسادىم، ەندى ونىڭ اقشاسىن قايتارىپ الا المايمىن. كونسەرتتى ءبىر كۇنگە اۋىستىرىڭىزشى. قايتا ۇشىپ كەلۋ مۇمكىندىگى بولمايدى»، «كونسەرتتىڭ سايلاۋعا نە قاتىسى بار؟» «مۇلدە جامان جاڭالىق. كەيبىر ادام بار اقشاسىن قۇرتىپ، بيلەت العان، ال ول بيلەتتى اۋىستىرۋعا نە قايتارۋعا كەلمەيدى. ماسەلەنىڭ شەشىمىن تابۋعا تىرىسىڭىز!» - دەپ جازعان جەلى قولدانۋشىلارى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى