تۇركىستاندا قازاق اندەرىنىڭ حالىقارالىق بايقاۋى ءوتتى
ەكى كۇنى بويى الەم ەلدەرىنەن كەلگەن قاتىسۋشىلار قازاق اندەرىن شىرقاپ، ءوز ونەرلەرىن ورتاعا سالدى. اشىلۋ سالتاناتىنا تۇركسوي حالىقارالىق ۇيىمىنىڭ باس حاتشىسى سۇلتان رايەۆ، تۇركىستان وبلىسى اكىمىنىڭ ورىنباسارى ساكەن قالقامانوۆ، سونىمەن قاتار ەلىمىزدىڭ تانىمال جۇلدىزدارى مەن زيالى قاۋىم وكىلدەرى قاتىستى.
ۇلى تۇران دالاسىن انمەن تەربەگەن حالىقارالىق بايقاۋدىڭ ءبىرىنشى كۇنى شارتاراپتان كەلگەن قاتىسۋشىلار ەلىمىزگە تانىمال ەسترادا انشىلەرىمەن بىرگە قازاق اندەرىن شىرقاپ، كورەرمەنگە كوتەرىڭكى كوڭ ىل كۇي سىيلادى. ەكىنشى كۇنى قاتىسۋشىلار الدىمەن ءشامشى قالداياقوۆتىڭ «ارىس جاعاسىندا» ءانىن بىرگە ورىندادى.
سودان سوڭ بايقاۋ تالابى بويىنشا قازاقتىڭ تانىمال اندەرىن شىرقاپ، قازىلار القاسىنىڭ باعاسىن الدى. ءادىل قازىلار قۇرامىندا كومپوزيتور، ق ر مەملەكەتتىك سىيلىعىنىڭ لاۋرەاتى تولەگەن مۇحامەدجانوۆ (قازىلار القاسى ءتوراعاسى)، ءانشى، ق ر مەملەكەتتىك سىيلىعىنىڭ لاۋرەاتى، قازاقستاننىڭ، تاتارستاننىڭ حالىق ءارتىسى، «قۇرمەت» وردەنىنىڭ يەگەرى نۇرجامال ۇسەنبايەۆا، ءانشى، كومپوزيتور، پروديۋسەر، ق ر ەڭبەك سىڭىرگەن قايراتكەرى، حالىقارالىق ءان بايقاۋلارىنىڭ جۇلدەگەرى مەدەۋ ارىنبايەۆ، ءانشى، كومپوزيتور، ق ر ەڭبەك سىڭىرگەن قايراتكەرى مارجان اراپبايەۆا، ءانشى، ق ر ەڭبەك سىڭىرگەن قايراتكەرى، كومپوزيتور، حالىقارالىق ءان بايقاۋلارىنىڭ جۇلدەگەرى جانار دۇعالوۆا، ءداستۇرلى ءانشى، ق ر مادەنيەت قايراتكەرى، ايگۇل قوسانوۆا، كومپوزيتور، ق ر مادەنيەت قايراتكەرى بەكجىگىت سەردالى بار.
قازىلار القاسىنىڭ شەشىمىمەن گرۋزيا ەلىنەن كەلگەن تاتيا كوبالادزە گران- پري يەگەرى اتاندى. ال 1-ورىن تاتارستاننان كەلگەن يلگيز شايحرازيەۆقا بۇيىردى. جۇلدەلى 2-ورىندى سەربيالىق ستەفان زدراۆكوۆيچ پەن پولشا ءانشىسى ميحال كاچمارەك يەلەندى. ءۇشىنشى ورىن كاتارينا بوگيچيەۆيچ (چەرنوگوريا)، حريستيانا دانكوۆا (بولگاريا)، ناۆرۋزا ماحامادجانوۆاعا (وزبەكستان) بۇيىردى. جەڭىمپاز بەن جۇلدەگەرلەرگە ارنايى ديپلومدار مەن قارجىلاي سىيلىقتار، ال گران- پري يەگەرىنە ارنايى ستاتۋەتكا تابىستالدى.
ايتا كەتەيىك، بۇعان دەيىن اتالمىش بايقاۋ 2 رەت ونلاين تۇردە وتكەن بولاتىن. 2020 -جىلى مولدوۆا رەسپۋبليكاسىنان گالينا شكودا باس جۇلدەنى جەڭىپ السا، 2021 -جىلى بۋرياتيالىق تسىدەن ەشي بيمبايەۆ گران- پري يەگەرى اتانعان. جوبانىڭ باس پروديۋسسەرى - مەيىرجان الياكباروۆ. حالىقارالىق ءان سايىنىڭ ناتيجەسىندە 4 ەلدىڭ ۇزدىك انشىلەرىنەن قۇرىلعان «Turan Boys» كۆارتەتى بايقاۋدىڭ جابىلۋ سالتاناتىندا ءان شىرقادى. بۇگىندە ولار قازاق اندەرىن ناسيحاتتاۋدا زور ۇلەس قوسىپ ءجۇر.
