بەرەشەگى بار ازامات «الماتى- استانا» پويىزىنان ءتۇسىرىلدى

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى 2,4 ميلليون تەڭگەدەن استام قارىزى بار ەر ادامدى «الماتى- استانا» پويىزىنان ءتۇسىرىپ العان. ول بيزنەس سەرىكتەسىنەن 2 جىل بۇرىن قارىز الىپ، قىسقا ۋاقىت ىشىندە قايتارىپ بەرەتىندىگى جايلى قولحات جازىپ بەرگەن. ءبىراق وسى ۋاقىتقا دەيىن اقشانى قايتارماعان.

«وسكەمەن قالالىق پوليتسيا باسقارماسىنا جەكە سوت ورىنداۋشىسىنان 33 جاستاعى ازاماتتان ەكى ميلليون تەڭگەدەن استام قارىزدى ءوندىرىپ الۋ تۋرالى قاۋلى كەلىپ تۇسكەن. ىزدەستىرۋ ءىس- شارالارى بارىسىندا كوشى- قون قىزمەتىنىڭ ماماندارى بورىشكەردىڭ ورنالاسقان جەرىن انىقتادى. ول الماتىدان ەلورداعا بارا جاتقان پويىزدا بولعان»، - دەلىنگەن اقپاراتتا.

پوليتسەيلەر بورىشكەردى شۋ قالاسىنداعى ستانتسيادا ۇستاعان. ەندى قارىزدى ءوندىرىپ الۋمەن سوت ورىنداۋشىلارى اينالىساتىن بولادى.

جىل باسىنان بەرى پوليتسيا دەپارتامەنتى 70 تەن استام بورىشكەردى انىقتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى