ەڭبەك مينيسترلىگىنە جۇمىس ورنىندا ەتنوسارالىق كەمسىتۋشىلىكتى بولدىرماۋ قۇزىرەتى بەرىلمەك
مۇنداي ۇسىنىس اشىق نقا سايتىندا جاريالانعان ۇكىمەت قاۋلىسىندا كورسەتىلگەن، دەپ حابارلايدى قازاقپارات ءتىلشىسى.
«ەڭبەك جانە حالىقتى الەۋمەتتىك قورعاۋ مينيسترلىگى تۋرالى ەرەجەسىنىڭ 15-تارماعى تەڭ مۇمكىندىكتەر، تولەرانتتىلىق قاعيداتتارىن ساقتاۋ مەن الەۋمەتتىك، ناسىلدىك، ۇلتتىق جانە تىلدىك بەلگىلەرى بويىنشا قۇقىقتارعا نۇقسان كەلتىرۋگە جول بەرمەۋدى قامتاماسىز ەتۋ، سونداي- اق الەۋمەتتىك- ەڭبەك قاتىناستارىندا ەتنوسارالىق جانە وزگە دە كەز كەلگەن كەمسىتۋشىلىكتىڭ تۋىنداۋىنىڭ الدىن الۋ تارماقشاسىمەن تولىقتىرىلسىن. بۇعان قوسا، ءوتىنىش بەرۋشىلەر كوتەرەتىن جۇيەلى پروبلەمالاردى تالداۋ جانە انىقتاۋ جۇمىستارى ۇيىمداستىرىلسىن»، - دەپ كورسەتىلگەن قۇجاتتا.
اتالعان وزگەرىستى ەنگىزۋ 2022 -جىلعى 25-مامىرداعى قازاقستان حالقى اسسامبلەياسىنىڭ XXXI سەسسياسىندا جۇكتەلگەن مىندەتتەردى ورىنداۋ ماقساتىندا قولعا الىنعان. قاۋلىنى اشىق تالقىلاۋ 4-قاراشاعا دەيىن جالعاسادى.
