ايىپپۇل تولەگەن جاستار اسكەري بورىشىن وتەۋدەن بوساتىلا ما
بۇل سۇراققا قورعانىس مينيسترلىگىنىڭ رەسمي وكىلى عاني ارتىقوۆ جاۋاپ بەردى، دەپ حابارلايدى قازاقپارات ءتىلشىسى.
«ەگەر ايىپپۇل تولەگەن بولسا نەمەسە بۇدان باسقا دا ق ر قىلمىستىق كودەكسىنىڭ تالاپتارىنا ساي ولارعا شارا قولدانىلعان جاعدايدا، بۇل ولاردى اسكەري قىزمەتتەن بوساتپايدى. كەرىسىنشە ولاردىڭ جاۋاپكەرشىلىگىن ارتتىرا تۇسەدى. حالىق اراسىندا «اسكەرگە بارماي، قاشىپ ءجۇر» دەگەن ءسوز كوپ بولعانىمەن، ءبىز بۇل ماسەلەنى دۇرىس ءتۇسىنۋىمىز كەرەك. ءقازىر جاستار اسكەر قۇرامىندا 1 جىل عانا قىزمەت اتقارادى. سول ۋاقىتتا اسكەري ونەردى، ءبىلىمدى، عىلىمدى ۇيرەنىپ، ءوز بويلارىنا ءسىڭىرىپ، شامالارى كەلگەنشە قامتۋى ءتيىس»، - دەپ جاۋاپ بەردى عاني ارتىقوۆ ءتىلشى ساۋالىنا وراي.
مينيسترلىك وكىلىنىڭ دەرەگىنشە، اسكەرگە بارماي جۇرگەندەردىڭ كوبى - دەنساۋلىق جاعدايى بويىنشا جارامسىزدار. سوندىقتان، ۆەدومستۆو مۇنداي ساناتقا كىرەتىن اسكەرگە شاقىرىلۋشىلاردى ىزدەپ جۇرگەن جوق.
«ءبىز 17 جاستان باستاپ ولاردى اسكەرگە شاقىرۋ كوميسسياسىنان وتكىزىپ، دەنساۋلىق جاعدايى قانشالىقتى ەكەنىن الدىن الا انىقتاپ قويامىز. كەيىنگى اسكەرگە شاقىرتۋ كەزدەرىندە سول قانشالىقتى وزگەردى، سونى عانا تەكسەرىپ وتىرامىز. سوندىقتان، بىزدە «اسكەرگە باراتىن جاستاردىڭ سانى جەتپەيدى جانە ولار جاپپاي قاشىپ ءجۇر ەكەن» دەگەن تەرىس ۇعىم تۋىنداماۋى ءتيىس»، - دەدى قورعانىس مينيسترلىگىنىڭ رەسمي وكىلى.
مۇنىمەن قوسا، عاني ارتىقوۆتىڭ مالىمدەۋىنشە، بۇگىنگە دەيىن اسكەردەن جالتارعان جاستاردىڭ بىردە- بىرىنە ءىرى كولەمدە ايىپپۇل سالىنباعان. تەك اسكەرگە شاقىرۋ كەزىندە پۋنكتىگە ۋاقتىلى بارماعاندار نەمەسە اسكەري تىركەۋ ەرەجەسىن بۇزعاندار عانا از كولەمدە ايىپپۇل ارقالاپتى.
