قازاق بولىپ تۋعىم كەلەدى: نۇرلان سابىروۆ قازاقتاردىڭ ت م د-داعى بەدەلى جايىندا
شوۋ جۇرگىزۋشىسى نۇرلان قويانبايەۆپەن اڭگىمە بارىسىندا ول ت م د-داعى قازاقتاردىڭ يميدجى جايىندا ايتتى، دەپ حابارلايدى قازاقپارات ءتىلشىسى.
«كورشى ەلدەر ارتىستەرىمىزدى قۇرمەتتەيدى. اڭگىمە Imanbek، سكريپتونيت، مەن تانىمايتىن وزگە دە تانىمال رەپەرلەر جايىندا بولىپ وتىر. كەيبىرەۋلەر تاڭ قالىپ، «قازاقتار نە ىستەپ جاتىر» دەيدى. ءبىز سولاي كورگىمىز كەلگەندىكتەن سولاي كورىنە مە، الدە شىنىمەن قازىرگى ۋاقىتتا الەمدە قازاقتاردىڭ ۋاقىتى كەلدى مە؟»، - دەپ سۇرادى نۇرلان قويانبايەۆ تانىمال ازىلكەشتەن.
نۇرلان سابىروۆ ت م د كەڭىستىگىندە قازاقتارعا قاتىستى قالىپتاسقان مۇنداي پىكىردىڭ شىندىققا جاناساتىنىن ايتادى.
«كوپشىلىگى «قازاق بولىپ تۋعىم» كەلەدى دەيدى. ايتەۋىر ءبىر دۇنيەنى سەنەن جاقسى، سەنەن اسىرا جاساپ شىعاتىن قازاق ءار ۋاقىتتا تابىلادى. ءازىل - جۇمساق كۇش ەكەنى تۇسىنىكتى. بۇل قازاقستانمەن تانىس ەمەس ادامدارعا ىقپال ەتەتىنى انىق. جانە بۇل وتە كەرەمەت. مەنىڭشە، بۇل - باستاماسى عانا. وعان سەنىمدىمىن. بۇل جايت ونەردە دە، مۋزىكادا دا، مادەنيەتتە دە، سپورتتا دا بولا بەرەدى. مۇنىڭ كۇشەيە بەرەتىندىگىنە سەنىمىم مول»، - دەدى نۇرلان سابىروۆ.
