قىرعىزستاندا پەدوفيلدەردى ءولىم جازاسىنا كەسۋ ۇسىنىلدى

ءتيىستى زاڭ جوباسى قوعامدىق تالقىلاۋعا شىعارىلدى، دەپ حابارلايدى قازاقپاراتتىڭ مەنشىكتى ءتىلشىسى قىرعىز رەسپۋبليكاسى جوگوركۋ كەنەشىنىڭ سايتىنا سىلتەمە جاساپ.

قىرعىزستان ىشكى ىستەر مينيسترلىگىنىڭ رەسمي دەرەكتەرىنە سايكەس، 2022 -جىلدىڭ 8 ايىندا عانا 14 جاستاعى كامەلەتكە تولماعان بالاعا قاتىستى 1 كىسى ءولتىرۋ (زورلاۋ، جىنىستىق قۇمارلىقتى كۇشتەپ قاناعاتتاندىرۋ)، 35 زورلاۋ فاكتىسى (14 جاسقا تولماعان بالالارعا قاتىستى - 15 جاعداي، 14 تەن 18 گە دەيىن 20)، جىنىستىق سيپاتتاعى زورلىق-زومبىلىقتىڭ 25 جاعدايى (14 جاسقا تولماعان بالالارعا قاتىستى - 16 فاكت، 14 جاستان 18 جاسقا دەيىن-9) تىركەلگەن.

اسا اۋىر جاعدايلاردىڭ كوبەيۋ تەندەنسياسى، ونىڭ ىشىندە جىنىستىق سيپاتتاعى قىلمىستار قوعامدى ون سەگىز جاسقا تولماعان بالالارعا جىنىستىق زورلىق-زومبىلىق جاساعاندارعا ءولىم جازاسىن قايتارۋ جونىندە تەرەڭ ويلانۋعا ءماجبۇر ەتتى.

قىرعىز رەسپۋبليكاسى جوگوركۋ كەنەشىنىڭ 61 دەپۋتاتىنان تۇراتىن توپ قىرعىز رەسپۋبليكاسىنىڭ كونستيتۋتسياسىنا وزگەرىس ەنگىزۋ تۋرالى باستاما كوتەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى