استانادا رەسپۋبليكا كۇنىنە وراي مەرەكەلىك وتشاشۋ بولادى

«استانادا دەمەۋشىلىك قاراجات ەسەبىنەن رەسپۋبليكا كۇنى مەرەكەلىك وتشاشۋ وتەدى. فەيەرۆەرك 25- قازان كۇنى ساعات 21:00 دە قالانىڭ ەكى جەرىندە ۇيىمداستىرىلادى. اتىراۋ كوپىرى ماڭىندا (قالا جاعالاۋى) جانە بوتانيكالىق باق اۋماعىندا. ۇزاقتىعى - شامامەن 10 مينۋت، ياعني 3,5 مىڭ رەت اتىلادى»، - دەدى ەلوردا اكىمدىگىنىڭ باسپا ءسوز حاتشىسى اقمارال ولجابايەۆا.

ونىڭ ايتۋىنشا، رەسپۋبليكا كۇنىنە وراي قالا تۇرعىندارى مەن قوناقتارىنا ارنالعان 200 دەن استام ءتۇرلى فورماتتاعى ءىس-شارا وتەدى.

«مەرەكە اياسىندا ەلوردادا ءتۇرلى سالا بويىنشا ەڭبەك سىڭىرگەن قىزمەتكەرلەر، ەڭبەك ارداگەرلەرى، سونداي-اق باتىلدىعىمەن كوزگە تۇسكەن ازاماتتار ماراپاتتالادى»، - دەدى باسپا ءسوز حاتشى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى