جەلىدە الاياقتىقتىڭ جاڭا ءتۇرى پايدا بولدى
اڭگىمە بارىسىندا جەلى قولدانۋشىسىنىڭ نومىرىنە SMS ارقىلى كود جىبەرىلەدى ەكەن. ال ونى «بانك قىزمەتكەرىنە» ايتۋى كەرەك.
بۇل - بانك شوتىن انىقتاۋعا باعىتتالعان الداۋ ارەكەتى، - دەپ حابارلايدى Stopfake.kz.
تەلەفون الاياقتارى كليەنتتەرگە بانك قىزمەتكەرلەرى رەتىندە ءجيى حابارلاسىپ، ءارتۇرلى «كومەك» ۇسىنادى. الايدا بۇرىن ولار ادامداردى شىن مانىندە، جوق نەسيەلەرمەن قورقىتىپ كەلسە، ەندى كەرىسىنشە دەپوزيت مولشەرلەمەسىن كوتەرۋدى ۇسىنادى. ال الداۋ سحەماسىنىڭ ءمانى وزگەرمەيدى: ولارعا شوتتاعى قاراجاتتى الۋعا مۇمكىندىك بەرەتىن SMS- كود قاجەت.
ForteBank وكىلدەرى جيناقتى قالاي قورعاۋ كەرەگىن ايتىپ بەرگەن.
«قاۋىپسىزدىك ماقساتىندا سىزدەردەن باسقا تۇلعالارعا ج س ن، تولەم كارتاسىنىڭ ءنومىرىن، قوسىمشاعا كىرۋگە ارنالعان پارولدى، كارتانىڭ CVV- كودىن، كارتانىڭ قولدانىلۋ مەرزىمىن، كود ءسوزدى، قۇپيا سۇراققا جاۋاپتى، سونداي-اق، SMS- كودتاردى جانە باسقا دا دەربەس اقپاراتتى ايتپاۋىڭىزدى سۇرايمىز. ءوزىڭىز سەنبەيتىن كۇدىكتى سايتتارعا ءوزىڭىز تۋرالى اقپارات جازباڭىز. قۇرىلعىعا AnyDesk/TeamViewer سياقتى قاشىقتان باسقارۋعا ارنالعان قوسىمشالاردى ورناتپاڭىز. بارلىق قولما-قول اقشانى ءبىر كارتادا ساقتاماڭىز. ەگەر جەلىدە ءجيى ساتىپ الۋمەن اينالىسساڭىز، ونلاين ساتىپ الۋ سوماسىنا بەلگىلەنگەن شەكتەۋلى ءليميتى بار بولەك كارتانى اشۋدى ۇسىنامىز»، - دەيدى بانكتىڭ كليەنتتەردى قولداۋ قىزمەتى وكىلى.
