مەملەكەت باسشىسى شەرحان مۇرتازانىڭ مەرەيتويىنا وراي ارنايى حات جولدادى
«اقيقاتتىڭ الداسپانى، نامىستىڭ ناركەسكەنى اتانعان ارداقتى شەراعاڭ سانالى عۇمىرىن ۇلت رۋحانياتىنىڭ دامۋىنا ارناعان قارىمدى قالامگەر، قايراتكەر تۇلعا ەدى. ءسوز زەرگەرى شەرحان مۇرتازا جۋرناليستيكادا تۇتاس ءبىر بۋىندى تاربيەلەپ، تالانتتارعا جول اشقان، وزىندىك مەكتەبىن قالىپتاستىرعان قازاق باسپا ءسوزىنىڭ ماۋەلى بايتەرەگى بولدى. ابىرويلى ازامات رەتىندە بيىك مىنبەرلەردە ەلدىك ماسەلەلەردى كوتەرىپ، ۇلت مۇددەسى جولىندا ايانباي كۇرەستى. جازۋشىنىڭ قالامىنان تۋعان قۇندى تۋىندىلار ۋاقىتپەن بىرگە جاساپ، وسكەلەڭ ۇرپاقتىڭ جادىندا جاڭعىرا بەرەرى انىق. ونىڭ قازاق رۋحانياتىنداعى ورنى مەن جارقىن بەينەسى ەشقاشان ۇمىتىلمايدى»، دەلىنگەن قۇتتىقتاۋدا.
ەستەرىڭىزگە سالا كەتەيىك، بۇگىن تاراز قالاسىندا شەرحان مۇرتازاعا ارناپ ەسكەرتكىش اشىلدى.
ارنايى عىلىمي كونفەرەنسيا ۇيىمداستىرىلىپ، تۋعان اۋىلى جۋالىدا ءبىرقاتار ءىس-شارالار وتەتىنى جوسپارلانعان.
