ەردوعان مەن پۋتين گاز حابىن سالۋعا كەلىستى

«ەۋروپا الداعى قىستا ءوزىن قالاي جىلۋمەن قامتاماسىز ەتۋ ماسەلەسىمەن اينالىسىپ جاتىر. بىزدە ونداي پروبلەما جوق. رەسەي پرەزيدەنتى ۆلاديمير پۋتينمەن ەلىمىزدە گاز ورتالىعىن سالۋعا كەلىستىك. وسىلايشا، ەۋروپا تۇركيادا گازعا تاپسىرىس بەرە الادى»، - دەدى ەردوعان.

رەسەيدىڭ «سولتۇستىك اعىن» قۇبىرلارى وتكەن ايدا زاقىمداندى. ەندى ولاردان وتپەگەن گاز تۇركياعا جەتكىزىلىپ، حاب ارقىلى ءۇشىنشى مەملەكەتتەرگە، ءبىرىنشى كەزەكتە ەۋروپا ەلدەرىنە تاراتىلۋى مۇمكىن.

حاب قۇرۋ ماسەلەسىن ەردوعان مەن پۋتين قازاننىڭ 13-دە استانادا وتكەن كەلىسسوزدەردە تالقىلادى. تۇركيا ليدەرىنىڭ ايتۋىنشا، بۇل نىساندى قىسقا مەرزىمدە سالۋ جوسپارلانىپ وتىر. جاڭا ورتالىق ءۇشىن ەڭ قولايلى جەر، تۇركيانىڭ ەۋروپالىق بولىگىندەگى فراكيا ايماعى بولۋى مۇمكىن.

https://qazaqstan.tv

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى