ەلوردادا حالال ونىمدەر كورمەسى ءوتتى
سورەگە ازىق- تۇلىكتەن بولەك، كوسمەتيكا مەن گيگيەنالىق زاتتار دا شىعارىلعان. ەكىنشى رەت ۇيىمداستىرىلىپ وتىرعان كورمەدە بيىل قىرعىزستان، رەسەي، وزبەكستان مەملەكەتتەرىنىڭ وكىلدەرى قاتىستى. تاۋارلاردىڭ قۇنى نارىقتاعى باعادان ءبىرشاما تومەن.
شاراعا جينالعانداردىڭ ايتۋىنشا، قازىر حالال ونىمدەردىڭ باسىم بولىگى مۇسىلمان ەلدەرىندە وندىرىلمەيدى. سول ءۇشىن بۇل باعىتتاعى وتاندىق ءوندىرىستى وركەندەتۋ ماڭىزدى. قازىر ەلدە حالال تاۋار شىعاراتىن 1300-دەي كاسىپكەر بار. ولاردىڭ 50-گە جۋىعى ونىمدەرىن شەتەلگە ەكسپورتتايدى.
ەرشات اعىباي ۇلى، نايب ءمۇفتي:
- مۇنداعى ماقسات، وسى حالال ونىمدەر كوبىرەك ناسيحاتتالسا جانە حالال ونىمدەرىن ءوندىرىپ وتىرعان كاسىپكەرلەر ءبىر بىرىمەن بايلانىس قۇرىپ، مامىلەگە كەلسە. جانە حالال ونىمدەرى ەلىمىزدەگى مۇسىلماندارعا قولجەتىمدى بولسا، ەكى كۇن بولسا دا نارىقتاعى باعادان تومەن الۋعا مۇمكىنشىلىك جاساۋ بولىپ وتىر.
