قازاقستاندا العاش رەت قۇتقارۋشىلار تۋرالى تەلەحيكايا ءتۇسىرىلدى

تەلەحيكايا شىنايى وقيعالار نەگىزىندە تۇسىرىلگەن، دەپ حابارلايدى قازاقپارات ءتىلشىسى.

الماتى قالالىق ت ج د- نىڭ باسپا ءسوز قىزمەتى حابارلاعانداي، جوبانىڭ تۇسىرىلىمىنە وتاندىق كينوماتوگرافيا اكتەرلەرى، ت ج د، ق ر ت ج م اپاتتار مەديتسيناسى ورتالىعى، رەسپۋبليكالىق جەدەل- قۇتقارۋ جاساعىنىڭ قىزمەتكەرلەرى تارتىلدى.

سيۋجەت بويىنشا تابىستى كاسىپكەر ءىنىسىنىڭ بالاسى اسلاندى تاربيەلەۋ ماقساتىندا الماتى قالاسىنىڭ ت ج دەپارتامەنتىنە جۇمىسقا ورنالاستىرادى. ت ج د قىزمەتىندە اسلان توتەنشە جاعدايلاردى جويۋ باسقارماسى كومانداسىنىڭ قۇرامىنا كىرەدى. ول كەزەكشىلىككە تۇسەدى، ءورت سوندىرەدى، ادامداردى قۇتقارادى، سونىمەن بىرگە، ۇجىممەن دوستاسۋعا تىرىسادى. ۋاقىت وتە كەلە اسلان قۇتقارۋشىنىڭ جۇمىسى ويلاعانداي وڭاي ەمەس ەكەنىن جانە ارىپتەستەرىنىڭ قۇرمەتىنە يە بولۋعا تىرىسا باستايدى.

«الماتى قالاسى ت ج د قىزمەتىنىڭ باسىمدىلىعى ازاماتتاردىڭ ءومىرىن، دەنساۋلىعىن جانە مۇلكىن توتەنشە جاعدايلاردان قورعاۋ بولىپ تابىلادى. سونىمەن قاتار، پروفيلاكتيكالىق ءىس-شارالاردىڭ ساپاسى، ت ج ۋاقتىلى جويۋ، ونىڭ تيىمدىلىگىنە ماتەريالدىق- تەحنيكالىق جانە كادرلىق قامتاماسىز ەتۋدىڭ جيىنتىعىمەن قول جەتكىزۋ ماڭىزدى ءرول اتقارادى»، - دەپ حابارلادى قالالىق ت ج د- نىڭ باسپا ءسوز قىزمەتى.

سونداي- اق قالالىق ت ج د-دا قازىرگى تاڭدا ءورت ءسوندىرۋشى-قۇتقارۋشىلار مەن جۇرگىزۋشىلەردىڭ 200 دەن استام بوس لاۋازىمى بار ەكەنىن ءمالىم ەتتى.

«وسىعان بايلانىستى جاستاردى ازاماتتىق قورعاۋ ورگاندارى قىزمەتكەرلەرىنىڭ قاتارىنا تارتۋ بويىنشا ءىس- شارالار وتكىزۋ قاجەتتىلىگى تۋىندادى» - دەپ حابارلادى دەپارتامەنتتە.

ەسكە سالساق، مەملەكەت باسشىسى قاسىم-جومارت توقايەۆ قۇتقارۋشىلاردى كاسىبي مەرەكەسىمەن قۇتتىقتاعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى