قازاقستاننىڭ تۋريستەردى تىركەۋ جۇيەسىنە وزگە ەلدەر قىزىعۋشىلىق تانىتۋدا- مينيستر
«2021 -جىلى وتاندىق دەمالۋشىلار سانى 6,9 ميلليون جەتتى. بيىل بولجام بويىنشا بۇل كورسەتكىش 8 ميلليون تۋريستكە دەيىن ءوسۋى كەرەك. بۇل - رەكوردتىق كورسەتكىش. قوناق ۇيلەر مەن باسقا دا ورنالاستىرۋ ورىندارى 68 ميلليارد تەڭگەگە قىزمەت كورسەتسە، بۇل وتكەن جىلمەن سالىستىرعاندا 52 پايىزعا جوعارى. شەتەلدىك تۋريستەرگە كەلسەك، جىل باسىنان بەرى ەلىمىزگە 3,1 ميلليون ادام كەلگەن. بۇل وتكەن جىلدىڭ سايكەس كەزەڭىمەن سالىستىرعاندا 3 ەسە كوپ. وسىلاردىڭ ءبارى ءبىزدىڭ رەكوردتارىمىزدى كورسەتەدى»، - دەدى مادەنيەت ءمينيسترى ءماجىلىستىڭ بۇگىنگى وتىرىسىندا.
ونىڭ ايتۋىنشا، بۇگىندە ەلىمىزدە 28 ەلگە 111 باعىت بويىنشا 489 رەيس بار.
«بۇل جۇمىس جالعاسىپ جاتىر، ءوزىنىڭ پروتسەدۋرالارى بار، ەلىمىز «اشىق اسپان» ساياساتىن قابىلدادى، ءبىز دايىنبىز. ءبىراق باسقا ەلدەردىڭ اۋە كومپانيالارىمەن جۇمىس ىستەۋ كەرەك. ساۋىردەن باستاپ قۇرلىقتاعى شەكارالار اشىلدى. 2022 -جىلدىڭ ماۋسىم ايىنان باستاپ قازاقستان شەكارالىق ۆاكسينالاۋ ءتولقۇجاتتارى مەن پ ت ر سەرتيفيكاتتارىن الىپ تاستادى. 78 ەلمەن ۆيزاسىز رەجيم قالپىنا كەلتىرىلدى. قازىر ونداي ەلدەر سانى 100 گە دەيىن جەتكىزۋ ماسەلەسى پىسىقتالۋدا»، - دەدى د. ابايەۆ.
سونىمەن بىرگە مينيستر تۋريستەردى ەسەپكە الۋعا ارنالعان «eQonaq» سيفرلىق جۇيەسى تۋرالى ايتىپ بەردى.
«جۇيە قازىر بەلسەندى جۇمىس ىستەپ جاتىر. ول كوشى- قون ورگاندارىنا ناقتى اقپاراتتى بەرەدى. بۇرىن تۋريستەر كەلىپ، پوليتسيانىڭ كوشى- قون قىزمەتىنە بارىپ تىركەلەتىن. قازىر ونلاين اۆتوماتتى تۇردە تىركەلەتىن مۇمكىندىك بار. بۇل تاجىريبەگە ازەربايجان، گرۋزيا مەن وزبەكستانداعى ارىپتەستەرىمىز قىزىعۋشىلىق تانىتىپ وتىر»، - دەدى د. ابايەۆ.
