قۇرىق پورتىنا «فوربس» تىزىمىندەگى ءۇشىنشى ادام ينۆەستيتسيا سالماقشى

سىرتقى ىستەر ءمينيسترىنىڭ ورىنباسارى الماس ايداروۆ استانادا ءوتىپ جاتقان ينۆەستيتسيالىق فورۋم كۋلۋارىندا جۋرناليستەرگە وسىنداي مالىمەت بەردى.

«بۇل جولعى قول قويىلاتىن جوبالاردىڭ اراسىندا اقتوبە قالاسىنداعى يادرولىق مەديتسينا ورتالىعىن ايتۋعا بولادى. قۇرىق پورتىن كەڭەيتۋ جونىندەگى جوبا بار. بۇل جوبا اياسىندا ءۇندى ەلىنىڭ كومپانياسىمەن دە قۇجاتقا قول قويىپ جاتىرمىز. شىعىس قازاقستانداعى ليتي كەن ورنىن يگەرۋگە باعىتتالعان ۇلكەن جوبا تاعى بار. الماتىداعى اۆتوكومپونەتتەردى وڭدەيتىن جاڭا زاۋىت جوباسىن ايتۋعا بولادى. اۋىل شارۋاشىلىعىندا «الماتى جەمىستەرى» دەگەن جاڭا جوبا اشىپ جاتىرمىز»، - سءى م وكىلى قۇرىق پورتىن كەڭەيتۋ جوباسىنا كەڭىرەك توقتالدى.

«باعانا دا ايتقانىمداي، جالپى جيىنى 25 قۇجاتقا قول قويىلادى. ولاردىڭ ىشىندە جاڭا جوبالار دا بار. مىسالى، قۇرىق پورتى بويىنشا ءۇندى ەلىنىڭ «Adani « دەگەن ۇلكەن كومپانياسى ينۆەستيتسيا سالماقشى. ونىڭ يەسى - قازىر «فوربستاعى» ءۇشىنشى ادام. ولار قازاقستانعا جاڭادان ەنىپ وتىر، مەموراندۋمعا قول قويادى. ال كەيبىر جوبالار 12 –جىلدىڭ كولەمىندە ىسكە اسىرىلىپ جاتىر. ولار بويىنشا دا كەلىسىمدەر جاسالادى. ساتىپ الۋ كەلىسىمدەرى دە بار. ليتيي كەن ورنى وسى باعىتتا ىسكە اسادى»، - دەدى الماس ايداروۆ.

ۆيتسە- ءمينيستردىڭ ايتۋىنشا، قۇرىق پورتىن كەڭەيتۋگە ينۆەستيتسيا سالۋعا نيەتتى «Adani « كومپانياسى ءۇندى ەلىندەگى لوگيستيكالىق نارىقتىڭ 30 پايىزىن قامتيدى.

«قازاقستان اۋماعىندا بىرنەشە جوباعا قىزىعۋشىلىق تانىتىپ وتىر. استانا اۋەجايىنا قىزىعۋشىلىق بىلدىرۋدە. ونىمەن قوسا قۇرىق پورتىنا دا تەرمينال سالۋعا ىنتالى. سەبەبى رەسەي ارقىلى وتەتىن جۇك تاسىمالداۋ قيىنداپ جاتقانىنا بايلانىستى كاسپي ارقىلى ازەربايجانعا، گرۋزيا ارقىلى قارا تەڭىزگە شىعاتىن مارشرۋتقا اقشا سالماقشى»، - دەدى ۆيتسە- مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى