پرەزيدەنت قونايەۆ قالاسىندا ەڭبەك ارداگەرلەرىمەن، سپورتشىلارمەن جۇزدەستى
بورت 1№ رەسۋرسىنىڭ جازۋىنشا، قالانىڭ قۇرمەتتى ازاماتى، ەڭبەك ارداگەرى الەكساندر چجەن قالاعا قونايەۆتىڭ ەسىمىن بەرگەنى ءۇشىن پرەزيدەنتكە العىس ايتقان.
«وگني الاتاۋ» گازەتىنىڭ بۇرىنعى جۋرناليسى، جازۋشى ۆلاديمير تاران پرەزيدەنت قاسىم-جومارت توقايەۆقا قاپشاعاي قالاسى تۋرالى ءوزى جازعان «سولنەچنىي گورود. سترانيتسى يستوري» كىتابىن سىيعا تارتتى.
سونىمەن قاتار ۇلتتىق سپورتتى دارىپتەۋشى تيمۋر سىپاتايەۆ «قازاق ەلىنىڭ بىرلىگى، ىنتىماعى وسى شەگەدەي مىقتى بولسىن» دەگەن تىلەكپەن تەمىردەن ءتۇيىن ءتۇيىپ، پرەزيدەنتكە تارتۋ ەتتى.
پرەزيدەنت الماتى وبلىسىنىڭ ورتالىعىن قونايەۆ قالاسىنا كوشىرۋ تۋرالى شەشىمى ءوڭىردى وركەندەتۋ ءۇشىن ماڭىزدى قادام بولعانىن اتاپ ءوتىپ، ەندى قالا ودان ءارى قارقىندى داميتىنىنا سەنىم ءبىلدىردى.
