استاناداعى مەترو قۇرىلىسىنا كەزەڭ-كەزەڭىمەن قوسىمشا قاراجات بولەمىز - ءاليحان سمايىلوۆ
ءماجىلىس كۋلۋارىندا ۇكىمەت باسشىسىنا استاناداعى LRT قۇرىلىسىن قارجىلاندىرۋ تۋرالى سۇراق قويىلدى.
«ءيا، شىنىندا دا، ءبىز وسى جوبانىڭ ءارى قارايعى تاعدىرى نە بولادى دەپ بىرنەشە نۇسقانى تالقىلادىق جانە وسى جوبانى ودان ءارى دامىتۋدىڭ ءتۇرلى سحەمالارىن زەرتتەپ، حالىقارالىق ساراپشىلاردىڭ پىكىرى مەن قالا جۇرتشىلىعىنىڭ پىكىرىن ەسكەرە وتىرىپ، وسى جوبانى ءارى قاراي جۇزەگە اسىرۋدى جانە ونى اياقتاۋدى ۇيعاردىق. ءبىراق ءبىرشاما وڭتايلاندىرىلعان تۇردە ىسكە اسادى»، - دەدى ءا. سمايىلوۆ تىلشىلەرگە بەرگەن سۇحباتىندا.
ۇكىمەت باسشىسىنىڭ ايتۋىنشا، قازىر بۇل جوبانى قارجىلاندىرۋ جالعاسۋدا، اتاپ ايتقاندا، كۇزدە قۇرىلىستى جالعاستىرۋعا قوسىمشا 20 ميلليارد تەڭگە بولىنگەن.
«بۇل قاراجاتتىڭ يگەرىلۋىنە قاراي، ءبىز ولاردى يگەرۋدىڭ تيىمدىلىگىنە، وسى جوبا شەڭبەرىندەگى ماقساتتار مەن مىندەتتەرگە قول جەتكىزۋدى قاراستىرىپ كورەمىز. سودان كەيىن ءبىز وسى جوبانى جوسپارلاعان كولەمدە اياقتاۋ ءۇشىن كەزەڭ-كەزەڭىمەن قوسىمشا قاراجات بولەمىز»، - دەدى ءا. سمايىلوۆ.
