بۇرىنعى قورعانىس ءمينيسترىنىڭ يدەياسى بويىنشا تۇسىرىلگەن فيلم كورەيادا كورسەتىلەدى

كورەرمەندەر رەجيسسەر سەرىكبول وتەپبەرگەنوۆتىڭ «پاتريوتتار ۋاقىتى» جانە فارحات ءشارىپوۆتىڭ «سحەما» فيلمدەرىن تاماشالايدى.

شارانى ەلىمىزدىڭ سەۋلدەگى ەلشىلىگى مەن شينحان ۋنيۆەرسيتەتىنىڭ قولداۋىمەن «Kazakh cinema» ۇلتتىق كينونى قولداۋ مەملەكەتتىك ورتالىعى ۇيىمداستىردى. كورەيا بيىلعى جىلى مۇنداي كورسەتىلىمدەردى وتكىزەتىن الەمدەگى توعىزىنشى جانە ازياداعى ءبىرىنشى مەملەكەت.

2022 -جىلدىڭ سوڭىنا دەيىن قازاق فيلمدەرىن تاعى 6 ەلدىڭ كورەرمەندەرى تاماشالايدى. بۇگىن وڭتۇستىك كورەيالىقتار «پاتريوتتار ۋاقىتى» كارتيناسىمەن تانىستى. بۇل ەكشن جانرىنداعى ەڭ اۋقىمدى قازاقستاندىق فيلم. يدەيا اۆتورى بۇرىنعى قورعانىس ءمينيسترى نۇرلان ەرمەكبايەۆ.

«پاتريوتتار ۋاقىتى» قازاقستان مەن رەسەيدە كينوپروكاتتا شىقتى. قازىر فيلمدى ا ق ش، جاپونيا جانە كورەيادا كورسەتۋ ءۇشىن كەلىسسوزدەر جۇرگىزىلىپ جاتىر. فيلمنىڭ بيۋدجەتى 2 ميلليون 200 مىڭ دوللاردى قۇرايدى.

چوي چان مين، شينحان ۋنيۆەرسيتەتىنىڭ اكتەرلىك ءبولىمىنىڭ ستۋدەنتى:

- شىنىمدى ايتسام، قازاق كينوسىن ءبىرىنشى رەت كورىپ تۇرمىن. اعىلشىن ءتىلىن بىلمەيمىن، ءبىراق اكتەرلەردىڭ ويىنىنا قاراپ، وقيعا جەلىسىن ءتۇسىندىم. اكتەرلەر شەبەرلىگى جوعارى دەڭگەيدە بولدى. ال فيلمنىڭ ءوزى جاقسى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى