ە و جەل مەن كۇن ەنەرگياسىنىڭ رەكوردتىق كولەمىن ءوندىرىپ جاتىر
E3G جانە ەمبەر كليماتتىق تالداۋ ورتالىقتارىنىڭ ەسەپتەرىنە سايكەس، جاڭارتىلاتىن ەنەرگيا كوزدەرىنىڭ ءوسۋى ە و- نىڭ 27 ەلىنە وسى جىلدىڭ ناۋرىز- قىركۇيەك ايلارى ارالىعىندا گاز يمپورتىنان 99 ميلليارد ەۋرو ۇنەمدەۋگە مۇمكىندىك بەردى، بۇل وتكەن جىلدىڭ سايكەس كەزەڭىمەن سالىستىرعاندا 11 ميلليارد ەۋروعا ارتىق.
جاڭارتىلاتىن ەنەرگيا كوزدەرىنىڭ ءوسۋى رەسەي گازىنا تاۋەلدىلىكتى تومەندەتۋگە باعىتتالعان، ونىڭ ۇلەسى 2020-جىلى ە و يمپورتىنىڭ %41- ىن قۇرادى.
ەسەپكە سايكەس، ە و- عا مۇشە 27 مەملەكەتتىڭ 19-ى ناۋرىز ايىنان باستاپ جەل مەن كۇن ەنەرگياسىنىڭ رەكوردتىق وندىرىسىنە قول جەتكىزدى.
پولشادا جىلدىق ەڭ جوعارى پايىزدىق ءوسىم % 48,5 بولدى، ال يسپانيادا ءوندىرىستىڭ ەڭ ۇلكەن ابسوليۋتتى ءوسىمى 7,4 تەراۆاتت- ساعات (ت ۆ س ا ع) تىركەلدى. تەك يسپانيا عانا 1,7 ميلليارد ەۋرو كولەمىندە گاز يمپورتى شىعىندارىنان قۇتىلدى.
وسى جىلدىڭ ناۋرىزىنان قىركۇيەگىنە دەيىن جەل مەن كۇننەن بۇكىل ە و بويىنشا 345 ت ۆ ت/س ا ع ەلەكتر قۋاتى ءوندىرىلدى. ەگەر وسى جازدا قۇرعاقشىلىققا بايلانىستى گيدروەلەكتر ەنەرگياسىنىڭ ءوندىرىسى % 21- عا قىسقارماسا، جاڭارتىلاتىن ەنەرگيا كوزدەرىنىڭ جالپى قۋاتى الدەقايدا جوعارى بولار ەدى.
الايدا، ساراپتامالىق ورتالىقتار گازدىڭ ۇلەسى سول كەزەڭدە ە و ەلەكتر ەنەرگياسىنىڭ شامامەن % 20- ىن قۇراعانىن ەسكەرتتى، بۇل شامامەن 82 ميلليارد ەۋرو.
2022 -جىلدىڭ قىركۇيەگىندە ەنەرگيا شىعىندارى وتكەن جىلمەن سالىستىرعاندا % 40,8- عا ءوستى، بۇل ە و- داعى ينفلياتسيانىڭ جالپى كورسەتكىشتەرىنىڭ % 36- ىن قۇرادى.
اۆتور
اقبوپە ءابدراسۋل
