رەسەي مەن ۋكراينا تۇتقىندار الماستى
مۇنداي مالىمەتتەردى رەسەي فەدەراتسياسىنىڭ قورعانىس مينيسترلىگى بەرىپ وتىر. دەرەكتەرگە قاراساق، 110 رەسەي ازاماتى بوساتىلدى. ولاردىڭ 72- ءسى تەڭىزشىلەر. بۇل مالىمەتتى ۋكراينا تاراپى راستاپ وتىر، 108 ۋكراينالىق ايەل قاماۋدان جىبەرىلگەنى بەلگىلى بولدى. تۇتقىندارمەن الماسۋ جانە ودان ءارى كەلىسىمدەر جاساۋ ءۇشىن رەسەي مەن ۋكراينانىڭ ادام قۇقىقتارى جونىندەگى ۋاكىلدەرى تاتيانا موسكالكوۆا مەن دميتري لۋبينتس كەزدەستى.
تاتيانا موسكالكوۆا، ر ف ادام قۇقىقتارى جونىندەگى ۋاكىل:
- بۇگىن تۇتقىنداردى ايىرباستاۋ ارقىلى تەڭىزشىلەر ۇيگە ورالادى. ءبىز ءۇشىن قاۋىپسىزدىك دالىزدەرىن جانە ەۆاكۋاتسيالانعاندارمەن جۇمىس ىستەۋدى قامتاماسىز ەتۋ ماڭىزدى.
