جاسىل اۋلا: الماتىلىقتارعا تەگىن كوشەت تاراتۋ ناۋقانى باستالدى

ناۋقان اياسىندا كوپقاباتتى ۇيلەردىڭ اۋلاسى مەن قوعامدىق كەڭىستىكتەردى كوگالداندىرۋعا نيەتتى ءاربىر الماتىلىق شاعان، ۇيەڭكى، شەگىرشىن، تەرەك، قاراعان مەن قايىڭنىڭ كوشەتتەرىن تەگىن الا الادى.

قاتىسۋشىلار وتىرعىزىلعان اعاشتاردى الداعى ءۇش جىل بويى كۇتىپ- باپتاۋ تۋرالى كەپىلدى مىندەتتەمەگە قول قويادى.

ال، قاتىسۋ ءۇشىن zhasyl.aula22@gmail.com ەلەكتروندى پوشتاسىنا كەلەسى مالىمەتتەردى جولداۋ قاجەت:

1. قاتىسۋشىنىڭ اتى- ءجونى مەن تەلەفون ءنومىرى، اعاش وتىرعىزىلاتىن ورىننىڭ ناقتى مەكەنجايى؛

2. اعاش وتىرعىزىلاتىن ورىننىڭ فوتوسى (ماماندارعا ورىندى تولىقتاي باعالاۋعا مۇمكىندىك بولۋى ءۇشىن پانورامالىق فورماتتا بولعانى ءجون)؛

3. سۇرالىپ وتىرعان كوشەتتىڭ ءتۇرى مەن سانى.

«وتىنىمدەر 17 - 25 -قازان ارالىعىندا قابىلدانادى. كوشەتتەردى تاراتۋ كەلەسى مەكەنجاي بويىنشا جۇزەگە اسىرىلادى. اعاش وتىرعىزۋ جۇمىستارىن 27 -قازاننان باستاپ جۇرگىزىپ، فوتوەسەپ جولداۋ قاجەت»، - دەپ حابارلادى الماتى قالاسىنىڭ ەكولوگيا جانە قورشاعان ورتا باسقارماسىنان.

ايتا كەتەيىك، ماماندار كورسەتىلگەن ۋاقىتتان كەيىن جولدانعان وتىنىشتەردىڭ قاراستىرىلمايتىنىن مالىمدەيدى. قوسىمشا اقپارات الۋ ءۇشىن جاسىل قوردى باسقارۋ جانە مونيتورينگ بولىمىنە كەلەسى ءنومىر بويىنشا حابارلاسۋعا بولادى: 77770685638.

اۆتور

دۋمان ارعىنگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى