ەۋروپارلامەنت پرەزيدەنتى كوپ ادامدار ءالى كۇنگە دەيىن وتە كەدەي تۇراتىنىنىڭ سەبەبىن ايتتى

ب ۇ ۇ مالىمەتىنشە، حالىقارالىق كەدەيلىكتى جويۋ كۇنىنىڭ تاريحى 1987 -جىلدىڭ 17-قازانىمەن بايلانىستى.

1948 -جىلى ادام قۇقىقتارىنىڭ جالپىعا بىردەي دەكلاراتسياسىنا قول قويىلعان پاريج قالاسىنداعى تروكادەرو الاڭىنا سول كۇنى 100 مىڭنان استام ادام جينالدى.

قۇجات كەدەيلىك، زورلىق- زومبىلىق جانە اشارشىلىق قۇرباندارىنا قۇرمەت كورسەتۋگە ارنالعان.

سول كۇنى جينالعاندار كەدەيلىكتىڭ ادام قۇقىعىن بۇزاتىنىن مالىمدەدى جانە بىرلەسكەن كۇش- جىگەرمەن وسى قۇقىقتاردى ساقتاۋ قاجەتتىگىن راستادى.

ءتيىستى مالىمدەمە سول كۇنى اشىلعان ەسكەرتكىش تاسقا جازىلعان.

سودان بەرى ءارتۇرلى تاپتاعى، سەنىمدەگى جانە الەۋمەتتىك ورتاداعى ادامدار جىل سايىن 17-قازاندا ءوز ۇستانىمدارىنىڭ وزگەرمەيتىندىگىن راستاۋ جانە كەدەيلەرمەن نيەتتەستىكتى كورسەتۋ ءۇشىن جينالادى.

بيىل دۇنيەجۇزىلىك كەدەيلىككە قارسى كۇرەس كۇنىنە 35 جىل جانە حالىقارالىق كەدەيلىكتى جويۋ ءۇشىن كۇرەس كۇنىنە 30 جىل تولادى.

ەۋروپارلامەنت پرەزيدەنتى ر. مەسولا ءالى دە تىم كوپ ادام ازىق-تۇلىككە، سۋعا، كيىمگە، تۇرعىن ۇيگە، بىلىمگە نەمەسە مەديتسيناعا مۇقتاج ەكەنىن ايتتى.

«COVID-19 پاندەمياسى مەن ۋكرايناداعى جاعداي ميلليونداعان ادامدى كەدەيلىككە يتەرمەلەيدى جانە ە و پارلامەنتى بۇعان قارسى تۇرۋ ءۇشىن جۇمىس ىستەۋى كەرەك» دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى